【士㞗彈系列】《她被寄宿到鹽水男孩的家中》2K15中: 2K133

我：「兩位靚女，唔好討論啲無意義嘅嘢啦，我抹好晒喇，係咪應該埋返張單先？」
姐：「又好，呢盒係新嘅吸吸，全部嘢加埋晒多謝四百四。」好一個惡德商人，早就已經心算好要收幾多錢。
我：「契妹…妳唔換返上身衫嘅？」只係著返百摺裙。
F：「我覺得靚嘛…就咁喺出面披返件褸得唔得？」其實佢本身嗰件已經暴露，呢件就更加過份，但既然而家呢個年代啲女夠膽死齋著住CK Bra跑步，佢咁著又有何不可？
我：「妳鍾意啦，嗱，呢度五百。」
姐：「多謝晒！有朋友想買玩具嘅話記得介紹我畀佢哋呀！玩得開心啲！阿哥唔好蝦細妹呀！」…。
擾攘咗一大輪，我終於帶契妹買完…聖誕禮物？
我：「呢個約會節目…開唔開心呀？」雖然夠晒黐線。
F：「好開心！多謝契哥！」佢嘴咗上嚟。
我：「呢個鐘數…差唔多夠鐘食晚飯，但可能要食平啲…」




F：「唔使啦，你送嘢畀我，我請返你食嘢咪得囉。」
我：「哈哈…如果係咁嘅話我就更加唔敢食咁貴。」
F：「或者你揀有乜想食囉，呢附近你都熟㗎嘛係咪？食返你平時食開嗰啲囉，唔好係快餐店就得。」
我：「我食開…當然有好地方，妳跟我嚟睇下啱唔啱？」
過對面馬路上西九…當然唔係QQ舊居嘅西九啦，然後就係咁搭扶手電梯轉住上去；嚟到熟悉嘅food court，一笪可以畀我隨心食嘢嘅地方，但其實我食來食去都只係兩三間，因為大部份檔口都係直升機咁伏。
F：「啊，雅典娜？即係你要食女神？」
我：「邊有咁易呀…四十幾蚊就想有女神食？呢間嘢我由小學好細個食到而家㗎喇，妳可以當佢係胡椒廚房嘅小店版，如果妳唔鍾意嘅話重有其他檔嘅…」
F：「OK呀，你食乜我就食乜。」佢揞咗張紅衫魚畀我。
我：「咁妳坐低喺度等我啦，好快有得食！」
我食乜…肥牛雞扒蛋鐵板飯，佢嗰個就雞扒轉漢堡扒；加兩蚊重有嘢飲添，凍奶茶凍檸茶各一佢總有杯啱掛。




F：「嘩，真係好男仔嘅組合呀！」我唔敢講QQ實唔想同我嚟食，但至少唔會食一樣，佢似係焗鮮茄肥牛意嗰啲。
我：「係呀，呢間係咁，妳話同我食一樣先咁嗌。」
F：「唔緊要，我都食唔到咁多，你再分多半就啱。」
我：「其實做乜想同我食一樣嘅嘢？」
F：「因為我想瞭解你囉。」都唔知應唔應該開心好…
我：「有乜好瞭解喎，我只不過係一個好普通嘅男仔。」
F：「你去打工賺錢係咪為咗溝女？」
我：「梗係唔係啦，等我有錢使咋，唔係諗住嗰雞碎咁多可以攞嚟溝女神呀？」無錯，因為我原本啲錢變晒女神飯錢。