【士㞗彈系列】《她被寄宿到鹽水男孩的家中》2K15中: 2K151

健：「咁去得就唔係計食唔食㗎啦，同埋我又未必贏到佢返嚟嘅，可能都係得個睇字。」
我：「你又唔係唔識佢，你可以考慮下叫你個出唔起最低工資嘅老細帶埋我去。」
健：「睇嚟你好想我死咁喎…但如果，佢話帶佢條仔去嘅話咁點算？」呢條粉腸個腦做乜轉得越嚟越快…
我：「咁會影響到佢哋感情，咪攪人啦。」
健：「其實你係咪可以考慮下阿花？話唔定有機呢。」睇嚟佢已經黐咗線，邊有人會帶個處女去呢啲場合，雖然佢唔知道…而阿花又拍過拖。
我：「咪玩啦，我係唔會賣身邊嘅女仔落火坑嘅，而且…佢哋全部未夠秤，你係咪想攪到所有仔連埋自己俾人拉先安樂？」我就唔信班大學生會夠膽攞自己前途嚟較非。
健：「咦，係喎，唔記得咗。」睇嚟扑嘢扑到個腦跌咗落屎窟，再俾欣姐騎到散晒。
我：「講下啫，我唔會參加呢啲party㗎喇，不過有數得計，十一條友就萬一蚊，真係幾燒錢下。」
健：「嗯，佢哋話已經包四餐，嗰日中午會食晏ice breaking，夜晚就嗌外賣喺房食，第二朝會喺酒店食自助早餐，最後就食埋個late tea先散，而且重有酒水啦，道具啦，同埋有錢剩嘅話係會找返。」
我：「傻嘅，係我有錢剩嘅話都最後嗰餐食埋佢啦…但話時話佢哋唔係好熟嘅咩，破乜鬼冰？」




健：「咁我唔熟囉，聽阿欣講，有另外一條仔係新嘅，都係某個女仔條新仔，有條女係某人個SP，只係識其中兩三個人，重有一pair就唔係core嚟，識一半人到…咁囉。」呢啲錯綜複雜嘅男女關係，我係比唔上嘅…掛。
我：「好複雜…不過酒店可以咁樣租房開P㗎？」
健：「好似話係佢哋識人喺嗰間酒店做，同埋都係錢啫，肯畀正價去住人哋就唔會理你咁多。」
我：「嗯，有道理，其實有熟有唔熟嘅人喺度，唔知會係乜感覺呢，熟嘅係咪無咁尷尬？但唔熟又好似刺激啲。」
健：「阿欣話好睇本身個人有無玩開，就算熟人都可以有完全唔同嘅感覺，而由唔識變到識亦都可以好快，只要兩個人啱key，玩完第二日甚至可以熱戀咁，反而…一啲漫長嘅關係先係最令人頭痛。」
我：「人哋話緊你呀，對住你就實頭痛啦。」
健：「我咪努力緊囉！所以點都唔可以失禮佢。」
我：「知喇知喇…喂，你屋企喺嗰邊喎。」
健：「我想問你，不如一齊去跑咯，你今晚屋企都無人，最多跑完我陪你食飯。」佢坐喺QQ前面真係好煩…
我：「未嘗不可嘅，但食平嘢㗎咋，同埋要個大家…」




健：「印花咋嘛，得啦！幫你加埋紅豆冰又點話。」