【士㞗彈系列】《她被寄宿到鹽水男孩的家中》2K15中: 2K152

我：「咁又唔使，我而家都夠換三杯紅豆冰。」
健：「你今晚要返工，就六點喺樓下等啦！」
頂，點解我會應承佢…其實而家隻腳都重好攰；可能因為見到佢咁有衝勁掛，雖然重係傻仔一個，但已經學識咗點樣撩QQ同埋思韻，加埋手瓜腳瓜都實淨咗好多，如果我再係咁懶懶閒容乜易俾佢比下去，話就話普通人見到我俾幾個女神圍住彷彿好似天下無敵咁啫…
隔籬K姐又應該已經可以叫做進入戀愛狀態，唉。
諗落瘟神先係最廢嗰個，顧這山，望那山，一無所獲。
而契妹…都唔知點幫佢，其實我都唔係想咁。
返到屋企，諗下諗下又記得返我欠佢最多嘅嗰一個，無理由陪完契妹唔陪佢㗎，聖誕節應該大家都要開開心心。
蚊：「喂，做乜咁好打畀我呀？」
我：「得閒打嚟關心下妳，等妳無咁易俾啲仆街拐走。」
蚊：「哎唷，好開心呀，咁你將我收喺你屋企咪得。」




我：「其實就…唔係我唔肯，無論我同妳係乜嘢關係…妳都知我而家屋企係乜嘢狀態。」
蚊：「咪認真啦，講笑咋，你哋都係我重要嘅朋友嚟，點會畀麻煩你哋，點呀，係咪想我幫你出精？」聽到佢咁講我真係有啲想喊，可能係我以前教壞咗佢。
我：「唔係呀，雖然我認同妳嘅手勢好好，我好鍾意…不過係想問妳就嚟聖誕節，想唔想一齊出嚟行下？」我自認廢J，俾契妹鬧完之後都係無諗過要去邊，但我諗細蚊嘅話陪佢行下街買少少嘢已經好開心，最重要係我無乜銀兩…就算要去一次迪迪尼已經好傷，多得契妹對我嘅愛慕囉，而且重要準備還錢畀幽蘭，唔想拖過新年。
蚊：「而家？」
我：「而家…唔係呀，夜啲又要返工，聽日呢？」雖然唔知聽日QQ有無活動，但如果我同佢講約細蚊出去玩下係絕對無問題嘅，而星期日又要同佢去搵幽蘭。
蚊：「嗯…聽日後日都唔得呀。」
我：「妳哋學校係咪下個禮拜開始放假？星期幾呀？」
蚊：「係就係，不過都係唔得，一開始放假就唔得閒，我諗要等到廿五…唔得，可能要廿六先得。」
我：「其實…係咪妳識咗新仔呀？」
蚊：「唔係囉！哼！如果我有新仔就唔鬼理你啦！」




我：「哦…重以為妳要留個平安夜同聖誕節畀人。」
蚊：「點呀，係咪好驚我去咗扑嘢唔理你？」
我：「唔係，但我嘅意見…妳可以唔使咁開放嘅。」
蚊：「無話開唔開放，只係我而家好想扑嘢，如果有仔嘅話而家可能已經扑緊唔得閒聽你電話，邊等得到聖誕節喎。」呢個衰妹，睇嚟係專登講啲咁嘅嘢嚟激我。