真·後現代末世純手寫校愛網小《交叉仔傳記》: 2K155

健：「嘩，原來咁近就有個咁嘅地方，乜嘢名堂呀？竟然重有龍門框添，雖然係爛地一塊。」
我：「乜乜配水庫公園，係囉，唔知做乜唔攞嚟起樓。」
今晚天朗氣清，有少少月亮，成個場加埋十條友都無，我哋兩個傻仔就喺度跑跑跑，感覺十分自由；雖然天氣係有少少凍，但喺無停過嘅狀態下我哋話咁快就全身濕晒。
健：「嘩，呢度真係唔錯，八點未夠就已經無晒人咁滯，真係喺正中間攤喺度扑嘢都得。」坦白講，雖然係可以，但實在係無乜情調，俾我就去遠啲嘅沙灘好過。
我：「咁其實…我同過細蚊嚟嘅。」
健：「你哋嚟做乜呀？」
我：「其實係嚟踢波嘅，不過完咗之後順便交埋配…」
健：「吓，但呢度咁空曠，都好易俾人發現啫，喺邊個位攪呀，側邊啲斜坡又咁多雜草。」你條友…啱啱先話中間扑，真係夠晒自打嘴巴，講就兇狠，做就轆撚。
我：「呢層…咪就係喺我而家坐緊嘅呢個位囉。」
健：「吓，嗰陣好夜？如果球場有人就睇晒㗎喇喎。」




我：「咁又唔係，無人叫你做得好揚眼㗎嘛，同埋呢…嗰陣有人做擋箭牌遮住。」
健：「吓！點解有件咁嘅事而我係唔知㗎？」
我：「大佬，嗰陣我成日叫你留夜啲陪我，你就話要返屋企食飯，我唔會乜都同你講㗎嘛，監護人咩…」
健：「我想嘅咩，嗰陣唔準時返去食飯會俾老母哦死㗎，我已經好好，唔似得阿康一個電話就要仆到返去。」
我：「明嘅，其實啲街場七點前就正常好多嘅，重有好多中學生喺度，七點之後就越嚟越多三山五嶽，你識唔識位人兄叫魚蛋呀，又或者蛋哥。」
健：「邊識呀，其實我打街場九成都係同你一齊，其他人都無諗住去識，係睇住你溝女…」
我：「啱嘅，唔識好過識，魚蛋係個壞學生嚟，讀到中四就俾人踢咗出校無再讀，去咗車房捱騾仔，咁做得嘢就有少少錢，溝咗條女我哋叫佢魚蛋妹，你明點解㗎可？大卡車都有同佢玩埋過㗎，不過我同咗細蚊一齊之後佢就無出現過，而家先知原來係佢唔想影響我同細蚊。」
健：「魚蛋妹，拮魚蛋，拮嘢？但佢先係俾人拮嗰個。」
我：「唔知就算啦…嗰陣時得我同魚蛋有女，嗰晚八點幾個場俾啲紋晒身嘅大哥霸住打全場唔俾跟，個魚蛋同人嗌歰咗幾句就拉隊走，然後有人提議嚟呢度。」
健：「乜你哋夜晚咁勇㗎，唔驚打起上嚟嘅咩？」