真·後現代末世純手寫校愛網小《交叉仔傳記》: 2K154

Q：「人哋同屋企人一齊住，邊有你咁自由可以分門別類儲到成十TB高清片，剩係似我嘅都上百GB。」
我：「我知錯喇好唔好，我只係欣賞妳呢type嘅女仔。」
Q：「哦，你harddisk就滿喇，唔好俾我偷偷發現去買新，小心我唔覺意del晒佢。」唔好將對條仔嘅不滿發洩落…
我：「無諗住囉，我已經del咗好多低質嘅作品空返啲位出嚟。」其實係啲硬碟一直唔跌價我買唔落手…
Q：「咁就乖嘞，呢啲優質合輯無理由唔同好朋友分享嘅，我覺得收佢時租睇片係有得做。」
我：「佢上到嚟…我驚佢用Kuromi啲底褲嚟測試自己咋…」
Q：「佢敢嘅話我又唔拘嘅，唔好整污糟就得。」
我：「點解妳可以咁大方㗎，正常嘅女仔會接受到咩？」
Q：「同得你住，正常都變唔正常啦！我又唔係未賣過底褲，好清楚男仔係會做呢啲嘢㗎喎，反而真係想知係咪咁吸引，可以刺激到佢連珠炮發咁。」
我：「妳唔好唔記得佢以前有幾冧妳至得㗎，就算到而家都重肯得閒幫妳直播，已經唔係為咗打機…」




Q：「咁又係，睇嚟要搵個機會慰勞下佢至得。」
我：「女神咁大犧牲呀，乜唔係廿蚊粒鐘就夠㗎喇咩？」
Q：「唔關事嘅，諗落佢而家fit咗咁多，條腰線開始吸引，雖然份人就重係傻傻地，但個外形已經呃得下人。」
我：「吓，只係咁樣妳就接受到㗎嗱？」
Q：「我從來就無話過自己好高要求，你哋啲仔乜都食得落口，唔通我哋就要吹毛求疵到餓死自己？其實我覺得正正常常唔好令我覺得反感就已經接受到，就算細龜…唉，可惜男仔通常唔止淨係要我哋身體，呢樣先係最麻煩嘅地方，如果唔係嘅話佢不停課金我得閒serve下佢，啲錢都不知幾咁好賺，但真係唔可以傷害佢…我行喇。」
頂，呢排啲女人攪乜東東？惠康聖誕大特賣呀？
但諗深層QQ講嘅係無錯，自問都算係相貌平平，但除咗Zilvia之外其他所有女神都肯俾我掂，最重要係熟咗同埋習慣咗，而且樣又的確唔係一切，我對住韻婷同細蚊都會好興奮㗎，最緊要新鮮刺激好玩有特色搭救。
唔得！健仔為咗唔失禮人不停操，我都要加倍努力至得！
健：「九龍呢邊真係唔多好跑，跑親唔係街就係球場好悶…」我唔知係咪應該buy佢，不如話呢度唔啱踩單車添吖，唔係條友阻住我嘅話一早去咗gym啦，但跑跑步機其實個人永遠就喺同一點，唔係重悶咩？睇嚟要問啲倉鼠。
我：「你想fresh啲呀？跑上山囉。」




健：「嗯，呢度上去唔係一樣跑馬路？」
我：「總有啲痀僂地方嘅，跟我嚟啦。」
話說我以前無嘢做周圍躝街就會東南西北乜都行晒佢，乜嘢護土牆斜坡，唐樓天台，閂咗門嘅運動場都有我嘅足跡，係搞唔掂閂咗嘅泳池，想半夜入去包池游但唔敢。