真·後現代末世純手寫校愛網小《交叉仔傳記》: 2K164

咁明刀明槍鬧架真係第一次，以我推斷係QQ根本唔會想花精力去控制條仔，只要經濟效益達標就無事無幹，何必影響到自己忙碌嘅校園生活呢…QQ本身又係令人費解，明明對傻仔健零興趣都可以玩咗成個幾兩個月；不停拒絕社長但又禮物照收兼惜惜，再面不改容繼續幫佢做嘢兼一齊影相；甚至出於道義堅持要用奇怪方法補償返隻重課龜。
但無論係點，佢對我非常好亦係不爭嘅事實。
但亦可以用嚟反證，佢對我好只係一種操作，唔代表我係啲乜…結論就係諗多無謂，我都唔想QQ因為啲兒女私情而唔開心，反正我畀唔到啲乜佢。
Q：「即係你覺得自己無錯！係我而家喺度發脾氣啦？」
雖然我好欣賞呢個叻女，但其實我係驚佢嘅。
Q：「唔關事囉！呢個唔係時間嘅問題，亦唔係做乜嘅問題，係你乜嘢心態呀？明知可以遲幾日先約我，但係為咗屌我中出我寧願犧牲我嘅感受囉！」唔好咁大聲啦…妳西九豪宅啲房門隔音有無咁好呀，俾媽咪聽到實在情何以堪，雖然妳媽咪可能已經對呢樣嘢無晒感覺。
正所謂課金屌閪，科水內射，實屬天經地義，或者妳媽咪本身都百般無奈，不過妳咁叻女應該唔會學佢掛？
Q：「唔使解釋喇…你嘅行為已經表明咗你嘅態度，唔好意思，我唔係一個可以任得你亂嚟嘅女仔，你過主啦！搵我攝時間，當我私家雞，唔中出唔安樂吖嘛？你好嘢呀，咁對我吖嘛，收聲啦，分手呀！」
然後…世界安靜了；連我都唔敢出一句聲，遑論安慰佢。
講真，如果我無緣做到佢身邊嗰位，我寧願佢同呢條仔風平浪靜…假如佢係咁玩仔，係咁換仔，係咁俾仔玩，攪到精神創傷嘅話會連帶埋我思覺失調，更甚者如果佢搵到個更加好嘅男朋友，更加甜蜜，甚至乎完全養得起佢嘅話…對我嚟講就更加大鑊，可以話係惡夢嚟。




雖然可以退一步海闊天空，轉個頭露娜閪窿…
假如無咗QQ喺身邊其他女依然會理我的話…
風起雲湧嘅星期五，最後落幕喺完全嘅寂靜之中。
又返學，又跑步，又返工，又諗嘢，你估唔攰咩？瞓先！
到咗第二朝嘅十一點幾，我仍然攤喺張床上面；唔係因為我重未瞓夠，而係因為QQ都未起身所以我唔敢郁，一般嚟講QQ放假九點到就會起身，最遲唔會超過十點半，每次我一醒嗰陣佢就已經活動緊，所以今朝嘅佢係絕對反常，而且我偷望下佢嗰邊發覺腳仔位係郁郁下嘅。
我瞌返埋對眼，飾演返一個對世界毫無貢獻嘅大懶蟲。
等多陣QQ終於起身，然後入咗廁所沖涼。