真·後現代末世純手寫校愛網小《交叉仔傳記》: 2K163

可能最變態嘅易汪對我先係最好，重有世上只有媽媽好…
貞：『你覺得我好啲定阿Yan好啲？』
我：『如果單論好玩就梗係佢啦，但以整體女仔嚟講我覺得妳好啲，係真心嘅，雖然唔係話好認識妳哋。』
貞：『覺得你唔係為咗氹我先咁講，都開心嘅，明明我諗所有男仔都會覺得Yan靚女啲，副body又正啲，所以我先死都唔肯陪佢去玩變態遊戲，除咗我唔太貪玩之外。』
我：『唔知呀，可能因為佢係我兄弟嘅女人掛，所以無乜感覺，靚少少又唔會靚得過Kuromi嘅，所以我絕對可以抵擋住佢嘅色誘，一心一意咁打妳飛機。』
貞：『到底你頭先J我嗰陣諗緊乜…』
我：『呢層呢，就係，健仔禁緊慾吖嘛，於是妳同埋Yan叫我上嚟陪妳哋溫書，妳知佢幾狼死㗎啦，但我又真係對佢無感覺喎，於是我同妳夾手夾腳將佢綁起，等佢眼白白睇住我同妳相愛，連想用手摸自己都唔得。』
貞：『話人地獄，你自己先係最地獄嗰個。』
我：『鬼叫妳哋一齊溫書喎，個場景有妳就有佢…』
貞：『唔講喇，要繼續溫書，如果唔係攪到陣間想扑嘢就煩，不過見你J得咁開心，或者遲啲有機會可以畀埋下面你睇嘅，淨係睇㗎咋。』




我：『嘩，點解貞姐姐對我咁好嘅？』
貞：『因為我係好人，會心軟…好彩有個女神喺你身邊，我先唔會想偷偷嚟食咗你…真係唔講喇，bye。』
多得佢，我遲咗成十分鐘先擺晒所有枱。
今日…都可以話夠晒充實呀下，又睇多對波波，如果唔係環境所限我實忍唔住溝佢，但首先個環境係要身邊所有女消失晒先，否則貞姐契妹二選一會令我更加頭痛。班女神今日開校服生日P，應該會一如以往咁玩得好開心？唔知女班長收到隻天王星會點呢？可能打怪獸嗰陣更加暴力…
Q：「你問我嚟做乜呀？唔識用腦諗嘅咩？」
公屋隔音差，佢張床又近門口，喺屋企門口已經聽到佢把聲，斷估佢唔會帶其他人上我屋企掛…總之我就將開門嘅聲量壓到有咁低得咁低。
Q：「係咪嬲緊？單單係呢句…已經分明係激嬲我㗎啦！」
好恐怖，港女發脾氣絕對唔講得笑，事不關己當然速速撤離，就算唔係身水身汗，放咗工點都要沖多次涼嘅。
老實講，一直以嚟QQ同佢都係有些少詏撬，但通常係唔嚴重嘅，一般就咿咿哦哦咁；我就覺得，佢條仔基本嘢係交足功課嘅，吃喝玩樂所有錢佢出，定期有送禮物，而QQ對佢就…唔係太上心？對佢無乜依賴，可能因為佢本身就係一個好叻兼唔黐身嘅女仔，條仔讀和尚寺又無乜風險，變相我係覺得QQ玩㞗條仔嘅機會比較多，例如謴佢去瞓覺然後自己直播，講大話話媽咪搵佢咁。