真·後現代末世純手寫校愛網小《交叉仔傳記》: 2K170

我：「同意嘅，點睇佢都好過男班長先，雖然Myth高過佢又靚仔過佢…唔怪得妳肯同佢食飯又收禮物。」
Q：「哎，你唔好誤會呀，我收佢禮物只係表明接受佢嘅心意而唔係接受佢，你估如果佢打動到我嘅話我唔會諗轉會咩，同埋，我唔想做一個因為拒絕咗人就驚同佢相處咁小家嘅女仔。」無誤會，妳可以接受我嘅精子而非本人…
我：「嗯，咁嘅話都唔知有邊條仔可以打動到妳。」
Q：「最接近嘅話…睇怕就係得團長望住我嘅奸笑，又或者…同易汪爭寵會影響到我嘅感覺。」
我：「明嘅…大家都係女神應該會有相似嘅愛好。」幽蘭唔提，就算天王星都嗒佢糖啦，而Zilvia亦表示唔厭惡。
Q：「呀，其實我有諗過去搵G奶㗎，畢竟平時飲飲食食佢都唔少，當陪佢食返餐飯咁囉，你又講到佢係一個幾有風度嘅先生咁，不過…佢拒絕咗我。」
我：「吓…估唔到妳都會有約唔到嘅男仔。」
Q：「佢話一男一女食飯無乜謂喎，我又唔瞭解佢嘅生活，約我上床就太細個，無諗住同我玩戀愛遊戲。」
我：「我係咪應該讚佢宅心仁厚，定要鬧佢暴殄天物？」
Q：「屌你啦，我未至於隨便到咁…但出於道義上幫佢揼次邪骨都唔係唔得嘅，咁你呢，有無邊個女仔打動到你？」




呢條乜問題嚟㗎？點解要喺張床上面攬住我嚟問…
我：「成日對住妳…哋幾個，好難會有女仔打動到我喎，不過我覺得，單單係有女仔同我相處呢一點已經好重要，因為得自己一個人…會好寂寞，細蚊返嚟就會要返佢，韻婷搵我無可能唔受，有露娜食更加好似中大奬咁，我諗…應該又會傷害晒佢哋。」
Q：「咁你又唔傷害我嘅？我都係無辜嘅少女嚟。」
我：「妳太叻喇，邊有咁易氹，而且…我對於現況已經好滿足，做人都係唔好太貪心。」
Q：「你…都係無㗎喇，對住我可以成世唔使溝女，最多我好好心地咁協助你每日排出精子咁囉，係得咁多。」
我：「所以，我已經好幸福…係呢，妳哋琴晚去慶祝天王星生日，玩得開唔開心呀？」
Q：「開心呀，一如往常咁，對住幾個靚女學生妹特別精神爽利，覺得天王星好似真係大個女咗咁，竟然八掛我同埋易汪拍拖啲嘢，以前佢剩係識笑我哋兩個傻妹俾仔呃，雖然而家嘅我似乎無乜資格反對佢…」
我：「啊，有人姣婆守唔到寡，準備輪到佢俾仔呃。」
Q：「你唔好咁話佢啦，班長份人硬淨得嚟又有原則，無咁易攞佢著數嘅，你就更加諗都唔使諗，佢最唔鍾意啲遊手好閒得過且過嘅人。」係咩…妳話係咪係囉。