真·後現代末世純手寫校愛網小《交叉仔傳記》: 2K171

我：「無諗過喎，我知道自己點都配唔上妳哋。」
Q：「你配得起…做我嘅廚師，係時候煮mum喇。」
我：「哦…可唔可以俾我攤多五分鐘先？」
Q：「喂，你似乎唔係想攤而係想繼續揸我多啲喎…」
我：「好啦，一陣啦，好軟熟嘅奶黃包…唔係，布甸先啱。」有得玩埋嗰兩粒，先至係真實感受到佢個身體。
Q：「唔得呀，你再係咁無下次㗎！」又話無所謂。
我：「知喇，等我想象一下冰箱入面有啲乜先…」
點知，偏偏就係呢個時候佢嘅電話響起。
我：「係佢打嚟？」其實見到佢個樣就估到。
Q：「嗯。」佢望住手上面部電話。




我：「妳唔聽？」
Q：「呢個moment無心情鬧人，唔多想理佢。」
我：「人哋唔搵你嗰陣就喊咁口，到佢搵你嗰陣就話唔想理人。」其實我都知女人係咁矛盾嘅生物。
Q：「如果響多五下都唔收線我就聽啦。」即係話大概要響十下佢先肯聽，其實如果再耐啲嘅話就會跌咗落留言信箱，呢個資訊都幾有用，雖然以前細蚊唔覆機我就罷就…
當然我哋都無再攬埋一嚿，起返身坐喺床邊。
Q：「喂，點呀？」
「嗚嗚…嗚…我好辛苦…嗚…溫唔到書呀，好想見下妳呀…嗚嗚鳴…可唔可以呀？嗚…畀次機會…」夠晒痴男怨女…我都唔好意思繼續坐喺側邊偷聽，行開啲先。
Q：「嗯…哦…喺邊呀…可以嘅…嗯…等陣…沖涼呀…bye。」
我：「咁，我重使唔使煮嘢食呀？」明明妳就沖咗涼…
Q：「留返聽日囉，唔係喎，聽日晏晝要去搵幽蘭…但係就算我唔食你都要食㗎？」




我：「炒一碟仔嘥功夫嘛，落去買叉飯好過啦，定係妳想我整定一大鑊等妳今晚返嚟食？」
Q：「唔使喇，你落去買叉飯啦，我換衫先。」呢個QQ…畀我睇完一次裸體之後就如入無人之境，喺我面前直接除走件睡衣，先再滋滋悠悠摷底衫褲。
欸，呢度暫時無我嘅事，係咪要揸下貨車先呢？定係做下功課好呢？如果聽日直抄兩位靚女實俾佢哋哦到暈。
Q：「點好呢？我唔想為咗服侍佢而化妝，但又唔想自己太過樣衰。」佢打開咗個粉盒稟咗半分鐘神，得出呢個結論，如果大家約女等到傻以後唔使問點解啦。
我：「依我之見，樣衰呢兩粒字係同妳大纜都扯唔埋。」
Q：「是但啦，都係修下隻眼先出門口。」
無眼睇，反正佢哋點拍拖…我係無資格評論嘅。