真·後現代末世純手寫校愛網小《交叉仔傳記》: 2K176

「唔係，我鍾意，超級鍾意，成世都咁鍾意。」佢好大力咁攬住我，再大力多少少我就會痛嗰隻。
我：「唔好攬住一個唔愛你嘅女仔啦，而家嘅你，要識個真心對你嘅女仔應該唔太難。」
「去邊度識喎，妳又唔係唔知我讀男校。」
我：「唔准講大話，你唔好同我講成日補習無女仔呀，唔通無任何一個女仔諗住識你？」
「其實…又唔係無嘅，不過我有同佢哋講我有拍拖，然後佢哋就會問我攞女朋友嘅相嚟睇，之後就會唔多理我…」
我：「嘻嘻，原來你都幾乖，嚟緊你可以同佢哋講失戀喇…」
「邊有心情，無咗妳嘅日子…我都唔知可以點樣過。」
我：「無咗我，你可以唔使煩幾時要抽時間陪我，唔使擔心我會唔會識其他男仔，唔使諗下次要食乜，唔使儲錢買禮物畀我，唔使估屌得我舒唔舒服，你有想點就點嘅自由，好快就會適應㗎喇。」
「其實…同我做愛…舒唔舒服？」
我：「一時時啦，唔係次次都舒服，但上一次就一啲都唔舒服。」




「對唔住，係我自私，明明時間咁趕都迫妳…」
我：「知錯就好，以後唔好咁樣對女朋友喇…咁…既然決定咗要分開…使唔使，畀埋最後一次你？」
「好在…今日…我屋企應該全日有人，如果唔係我實忍唔住做多次衰人，多謝妳，我前日同上個禮拜已經做咗啲好任性嘅嘢，夠喇，失去妳係我抵死，唔使可憐我。」
我：「又唔關事嘅，其實如果你唔質問我嗰晚搭地鐵嘅嘢，我都會由得你然後繼續落去。」
「繼續落去到幾時？妳本來嘅打算係點樣？」
我：「我覺得…你上咗大學之後，都總會有嘢令到我哋分手，原因就係我唔夠愛你。」
「嗯…咁而家都好嘅，起碼我最後知道咗妳嘅諗法，而且就好似妳所講咁，我要全心全意溫書先得，我自知唔係一個好叻嘅人，無可能靠打天才波就入到三大啲好科。」
我：「有目標係好事，到時大把女仔等住俾你識。」
「到時先算啦，我剩係知而家乜都唔想諗唔想做。」
我：「咁你諗住繼續喺度曬太陽？就算冬天都唔係咁㗎…」就算唔熱都係會曬黑，俾著平時實屌咗佢十世。




「我都唔知…我唔想返屋企，無心情去自修室繼續溫書，我無面繼續對住妳，但又好想見多妳一陣…」
我：「咁起身啦，唔好繼續再坐喺度。」
「但係我哋重可以去邊…如果妳唔想理我可以走先。」