真·後現代末世純手寫校愛網小《交叉仔傳記》: 2K179

我反問自己係咪唔可以繼續同佢一齊，其實唔係，我本身無乜所謂，就算只係剩返性都一樣，有啲嘢發生咗一次同發生一百次其實分別唔大，如果唔係佢引爆咗我都打算拖落去就算…但一齊落去到底重有無價值？對我嚟講可以話無，我已經太過清楚佢，但佢就完全唔瞭解我現況，亦無任何俾佢知道嘅打算，因為咁樣對佢做成嘅打擊一定好大，亦會影響佢嘅備試心情，所以我絕對唔可以咁做…反正佢好快就會入U，亦都會識到新嘅女仔。
分咗手，充其量無禮物收，食少啲玩少啲，但我就可以有更加多時間做自己嘅嘢同直播，萬一有乜急事，幽蘭比起呢個男朋友實在可靠太多，雖然呢個唔係佢嘅錯，幽蘭可以話係我父母留畀我最寶貴嘅禮物，唉…分咗手對我同交叉仔嘅生活都好嘅，等佢無得再畀說話我聽，又可以無後顧之憂咁同佢玩，同埋之後做愛。
其實…我鍾意同男仔做愛，因為可以感受到佢哋。
我：『大佬，有事相求，想問下今日band房有無人用？』
估到佢唔會秒覆，結果等咗我十分鐘有多。
A：『啊，西宮妳係咪掛住我所以搵我？』預咗佢無嚟正經，就算我一開波已經完全表明來意。
我：『西乜鬼宮呀，嗰日嘅game已經完咗，真係有嘢問所以先搵你，咁你當我有少少掛住你都得嘅…』我知道如果唔順下佢意，佢亦都可以唔畀面我。
A：『既然已經玩完…咁我哋只係一對最唔熟悉的陌生人。』聽佢口脗，就知呢條係音樂題嚟。
我：『既然一場相識，都算係朋友，我應該有權突然想起你？』為免佢質疑我搵答案，我秒覆。
A：『我飛咗去韓國妳先嚟搵我？明明我身體有大把位可以安放妳嘅雙手。』外加一個笑到喊，果然估中咗。




我：『或者小妹等你返嚟可以幫你按摩一下？介唔介意答咗我個問題先。』以佢風格應該唔會講邪骨，但…
A：『我而家唔係皇上，邊敢呀…妳可能真係現實世界嘅西宮嚟，驚俾妳啲仔仔同兵打死呀…』
我：『認真，我OK，可以同你玩下，一定無事。』既然都就嚟分手，應該無所謂啦，我無理由沉佢嘅。
A：『問題唔喺呢度，而係妳send msg嚟俾我身邊兩位女士睇到…佢哋而家發晒爛渣，等妳重話要同我玩。』都唔知真定假，雖然佢要玩我可以有幾萬種方法。
我：『兩位姐姐唔好玩我啦，我只係想解決一個好簡單嘅問題，而且…憑小女子嘅實力又邊夠資格同妳哋爭寵喎。』本來想話對佢無興趣，但諗落呢個講法有啲問題。
A：『唔係唔想幫妳，但佢哋唔俾我幫啲無誠意嘅女仔…』其實之前佢幫天王星…係咪呢兩條女都有份攪局？不過佢又真係氹得郁佢哋幾個…但有咁多女應該唔志在同我哋呢啲小妹妹嘥時間？算，唔會有答案。