真·後現代末世純手寫校愛網小《交叉仔傳記》: 2K212

V：「茜旎，可唔可以惜我呀？」嘩！我屌…
Q：「可以…嘅，但問咗妳先，妳唔係鍾意我吖嘛？」
V：「我梗係超鍾意妳啦！但唔係感情嗰種，我只係想…有人真心惜我同埋關心我。」
QQ惜咗埋去，但可能礙於我喺隔籬嘅關係，佢哋只係嘴貼嘴咁惜，而幽蘭一直伸手入去揸波，件衫已經扯起到波底都睇埋，但係眼見…QQ似乎幾舒服。
V：「我小學嗰陣就知道，妳會係我最最最重要嘅好朋友嚟！」兩個惜完就攬埋一嚿，QQ喺度掃佢背脊，兼且用無奈嘅眼神望住我。
先唔講真心朋友到底有幾難識到，幽蘭以前啲貴族同學究竟有幾唔妥佢，佢確實係需要被照顧嘅；除非你係想呃飲呃食呃雪糕，否則我睇唔到任何可能性係陪佢舒服過陪易汪，易汪呢個人精實在太明白其他人嘅感受。
V：「開心！有你哋做我朋友，返學先有返少少意義。」
我：「多謝…我好似返唔返學都無乜意義，不過既然可以令妳開心啲，我會為咗好朋友而努力返學嘅…」
V：「嘻嘻，係先好講呀，咁…我可唔可以惜佢呀？」
Q：「妳…鍾意囉，妳都惜過佢…小心佢借啲意抽水就得。」又係唔知QQ喺度諗緊乜。




V：「嗯，啜卟！啜卟！啜卟！傻瓜嚟嘅，對我真係好，唔怪得易汪咁鍾意同你玩。」佢一邊用嘴仔惜我，一邊用雙手搣我塊面…佢同易汪一樣咁鍾意喺QQ面前玩死我。
我：「雖然…我唔介意俾妳哋當玩具咁舞，亦唔會覺得有乜損失…但妳哋成日咁樣係咪有少少奇怪？」本來一切正常，自從QQ被迫寄居我家，易汪又發現咗呢個秘密，從此就無一樣嘢係返到轉頭，包括健仔嘅豔遇。
Q：「咪喺度扮無辜呀！有我哋幾個女神親近你，分明就益晒你，重喺度扮蟹，受死啦！啪！」佢一嘢打落我屁股度，就好似喺屋企咁。
V：「嘩！好大聲呀，好響！係咪任打唔嬲㗎？」
Q：「唔知佢喎，我剩係知佢個個禮拜俾班長打。」
我：「大佬，有墊㗎，下下硬接我早就入院返唔到學…」
V：「唔制！我又要，我要踢佢屎窟。」
我：「妳富家大小姐嚟㗎，點可以咁變態？」
V：「就係因為我係大小姐，所以你先要聽我話！」
Q：「踢佢唔係問題，但條友好硬淨㗎，驚妳踢傷自己…」




V：「唔使擔心，我有做運動，隻腳應該同練開武嘅人差唔多…我唏！」
我：「嘩！」雖然係踢得幾應，但唔算痛。
V：「又幾好玩，唔怪之得天王星次次都要捉埋佢去。」
Q：「條友M㗎，肯定天王星隻腳掂到佢嗰陣就會興奮。」