真·後現代末世純手寫校愛網小《交叉仔傳記》: 2K213

我：「咪玩啦，佢又大力，隻腳又踩到污糟晒，我重邊有心情得閒興奮。」
V：「咁係咪如果乾淨腳你就會興奮？」
Q：「唉，妳都係唔好再刺激佢…衰妹妳啱啱解開咗我個Bra又唔執手尾，著住衫好難扣返。」
V：「吖！吖！係喎！等我幫返妳先！」
Q：「哎唷，唔係咁呀，就咁扣返埋邊啱位㗎…」
V：「我係女仔嚟又點會唔識喎，對波咁大要tune Bra吖嘛，嚟，坐喺度，等我幫妳！」佢拉QQ坐咗喺張辦公室凳上面，雖然呢度平時唔似會有人但都放咗兩張靚凳…
繼續睇住佢伸手入去非禮QQ對波…不過大家都係女仔。
呢兩日QQ夠膽死喺屋企對住我全裸，但而家嘅佢竟然望住我面紅，唔知佢喺度諗緊乜呢？
V：「應該…啱位喇掛？」佢再喺出面托一托。
Q：「OK啦…大致上係咁，久唔久都要拉拉㗎啦。」




V：「哈哈，茜旎啲波肉真係好軟熟！畀你聞下吖！哈哈哈…」佢將隻手放喺我面前，然後又係咁搣我。
我：「呢個我當然知…妳唔使特登同我講。」
V：「哼，你哋啲衰男仔，眼中剩係得大波妹㗎咋嘛！」
我：「又唔係嘅…」佢又攬住咗我。
Q：「幽蘭，無論妳點我哋都OK㗎，但妳真係無嘢吖嘛？」其實我早就慣咗佢癲癲得得，反而QQ重擔心。
V：「無呀，開心得滯咋嘛，有你哋嚟陪我。」
Q：「雖然佢應該唔會對妳點，但妳咁樣好似…」
V：「點呀，係咪連妳都想好似我屋企咁管教我呀？妳同易汪就可以對佢做乜都得，又可以去拍拖，同男朋友上床，而我就剩係可以喺屋企俾人管住，日日對住啲補習先生同教琴先生，係咪咁？有時我只係想搵個人抱下咋…」
Q：「但妳係女仔嚟…我驚佢頭痛咋。」
V：「佢日日對住妳又唔會頭痛？點呀，係咪驚咗我？」




我：「唔會嘅…我百毒不侵，刀槍不入，妳想點就點啦…」
V：「咁就好，你哋兩個要以後都咁惜我。」
Q：「嗯，唔使驚，我哋會永遠都企喺妳身邊。」QQ行過嚟搭住幽蘭膊頭，用口型叫我惜佢。
我：「放心，就係因為妳係女仔嚟，一定惜住妳。」
V：「嘻…嘻嘻，我好似，第一次有收兵嘅感覺呀。」
Q：「妳係唔抵得易汪咋，其實妳要收兵多多都有啦。」
V：「但係唔得吖嘛，如果俾屋企知道有男仔纏住我，我死幾次都唔掂呀…都係入返正題，我哋要開始搵禮物。」
我：「係嘅，但間房啲嘢多到咁…應該點樣搵起？」
V：「嗱，呢邊全部都係無用嘅貨嚟，堆下堆下就變成咁，我記得啲重嘅嘢就放下面，輕嘅就喺上面…」