真·後現代末世純手寫校愛網小《交叉仔傳記》: 2K216

Q：「我點同！妳只係佢同學嚟，而我哋係同居緊。」
V：「一齊住啫，好巴閉咩，重有無其他特殊關係先？」
Q：「咁…又無，而且我有個正式嘅男朋友㗎嘛。」…。
V：「咁咪係囉，點解妳就係可以曳，講乜都得？而我就一定要做乖乖女，循規蹈矩先？我唔要咁樣。」
QQ同易汪一齊好煩，輪到呢兩個又係另一種煩。
Q：「想保護妳咋，妳同男仔相處得少又點知佢哋啲衰嘢呢，有時我條仔對我都唔係幾好㗎咋，所以呢…妳都係穩陣啲好，唔想妳到時出事先走嚟攬住我喊。」乜叫唔係幾好？每次唧啲液體入去嗰陣？妳咪又係送上門…
V：「茜旎呀，妳唔好當我係傻先得㗎，邊個係壞人我重係知㗎，其實我覺得無乜所謂喎，團長我夠唔鍾意佢啦，咪又係俾佢惜咗…如果交叉仔要攪我，應該…我重接受到㗎，我相信佢起碼唔會存心傷害我先，攪完又唔會有乜損失嘅，作為女仔天生就係要畀男人攪㗎啦。」
Q：「點會無損失，妳係處嚟…」
V：「妳咁樣同我屋企人有乜分別喎，妳就可以曳，自由咁搵男仔玩，而我就要乖乖咁唔好亂識人，唔可以私自同男仔去玩，但又要識埋啲屋企人幫我安排嘅朋友，如果我第時被迫要同屋企人指定嘅男人結婚，死都唔會留塊處畀佢呀！同埋…妳咪講咗入面一定無可能有啱佢用嘅…」
我：「嘩屌！頂！睇下！呢個咪係小米殼嚟？！」




佢兩個再講鹹濕嘢落去，有啲驚就地瓜分咗我。
Q：「含啦你，人哋呢個係畀ultra機用㗎，你嗰部係乜嚟呀？聽講ultra都要成四五千㗎喎。」佢揸住盒手機殼，自信滿滿咁發表偉論。
我：「唔止呀，而家新出大容量，好似七千都嚟緊。」
Q：「咁你搵到個紅米殼先嚟同我講啦。」
我：「都話我部唔係cheap雞紅米嚟，係打機line嘅…」
Q：「一句講晒，有定無？摷晒未？」
我：「摷晒，無…」雖然我一早都知無可能會有，試問呢啲出畀貧苦學生用嘅型號，佢主人邊捨得買個二三百蚊嘅殼，衰啲就幾蚊淘個清水透，好啲就係三幾十嘅防撞殼…
V：「哈哈，叉仔平時死剩把口，對住妳嗰陣就一棟都無。」其實我幾時對住妳哋幾個係有say…
Q：「咁有無啱我用㗎？」
我：「有嘅，成箱全部係舊型號，呢幾隻係13 Pro…」




Q：「我要呢個啦，士多啤梨都幾靚。」佢講完就拆開個膠盒，開始喺度換套。
Q：「舊嘅幫我掉咗佢啦，唔該。」
我：「吓…妳唔係話呢個係乜乜ty快，三嚿幾水好貴咩…」
Q：「貴都無用，開始變色喇，有新就梗係用新啦，而且我諗呢個都唔平，起碼百幾二百蚊。」