真·後現代末世純手寫校愛網小《交叉仔傳記》: 2K236

我：「哈…哈…拍拖真係好鬼開心嘅啫。」我真心羨慕，同細蚊就無謂提啦，而卡車就因為乜都識晒，所以我唔會有呢啲體驗，呢世都無可能再次發生。
最多，我可以幫手開發下韻婷同天王星，所以佢哋對我嚟講係有吸引力；契妹就…算啦，就算係處都係專業邪骨妹嚟，除非我食錯藥忍唔住插入去，否則唔會有乜衝擊。
Q：「係呀，所以…雖然佢唔係話對我好好，但如果要我再揀多次，都係會選擇同佢一齊嘅。」
我：「嗯，可以慢慢愛上一個人，然後拍拖又真係幾開心嘅…至於做唔做，射唔射精呢啲真係其次。」
今次出面真係靜咗，睇嚟佢去咗繼續準備直播。
是鬼爛但又煮完一餐，出到去見到佢已經將戰衣擺咗上我張床度，白色恤，黑Bra，粉紫格仔裙，黑絲…咦，無底褲嘅？唔通已經著咗上身？明明頭先重係真空㗎…算啦，理唔得咁多。其實，佢搵錢嘅套路唔差得頭先個援交姐姐幾多，只不過唔使賣身咁解；所以，我要更加努力去守護佢呢個珍貴嘅身體。
話咁快我哋一齊搵完錢錢，呢個多事之冬嘅禮拜就完咗…
鄧：「各位親愛嘅同學…過多兩日就係聖誕聯歡喇，咁呢…你哋大個仔大個女喇，所以交晒畀你哋自己搞㗎喇…都係例牌交換禮物嗰啲㗎啦，雖然學校無話要強制交換，咁你哋鍾意啦…重有嗰啲乜嘢大風吹，爭凳仔嘅低B game，可以繼續㗎，唔好預我就得，做下觀眾都OK嘅。」話時話…妳上嚟為乜？無通告收嘅話不如俾我哋瞓晒個班主任節佢算啦，就連夾錢食嘢妳都唔負責嘅…
雖然呢啲㞗game係好低B，但其實亦都係唔少男仔少數可以接觸異性嘅機會嚟，例如吹到去同陌生嘅女仔一齊坐，又或者要身貼身咁同女仔爭凳坐…雖然對我嚟講係無乜意思，五個女神有四個有得親近，K姐坐隔籬，契妹唔使講，堂堂Lab又要對住思韻，至於其他…恕我無時間奉陪，話就話Cat應該幾淫…
「係咪冚棉胎都得呀？」




鄧：「你哋鍾意啦…呀！唔得，學校規定唔可以出現啤牌。」雖然慢咗半拍，但佢都唔係傻嘅。
我：「我唔同意，作為橋牌學會財政，我提出反對。」
V：「咪係囉，橋牌係作為棋牌遊戲入面重要嘅一員。」
鄧：「哎吔，無先生識分你哋係喺度打橋牌定鋤大Dee呀…咁鍾意棋牌你哋攞副圍棋或者象棋返嚟捉啦，我諗無先生會反對。」讀咁耐書我都唔係好明點解學校咁驚啤牌，我知啤牌係可以攞嚟賭，但如果按照呢個邏輯應該波都唔可以俾我哋踢啦，真係要賭嘅話我就唔信圍棋賭唔到。
「咁Miss有無聖誕禮物送畀我哋？」每年一廢問…