我望向聲音的方向,發現剛和教練說完話的George和Dennis在我身旁。
 
而剛才叫我的George一臉凝重地望向我。
 
我:「George?做咩呀?仲唔換衫?」
George:「你OK嘛?」他又莫名其妙地問了這個問題。
我:「有咩唔OK?」
George:「頭先嗰個,你朋友?」繼續莫名其妙問題系列。
我:「Ben?係呀,中學同學。」
 


此時,一直沒有出聲的Dennis說:「George你去換衫先啦。」
 
George望向我:「真係無嘢?」
我:「做咩呀?」我開始有點不解。
 
有隊友開始從更衣室走出來,Dennis再催促George快換衫,George才慢步往更衣室方向走。
 
Dennis此時坐在我身邊,說了一句:「你睇佢幾關心你?」
我:「George?」
Dennis:「係呀,一聽到你有少少sad就嚟關心你。」


我:「我幾時sad呀?」
Dennis:「你頭先同你朋友講話無份出場嗰陣囉。」
我:「你哋聽哂我哋講咩?」有點不敢相信這件事。
Dennis:「又無,不過同教練傾完之後佢見到你哋坐喺度,諗住過嚟講幾句嘢,然後就聽到你話又坐足全場咁。」
我:「哦,見到中學好朋友,講兩句啫,唔使咁認真喎。」
Dennis:「係囉,唔知佢緊張啲咩。」
我:「係呢,你隻腳點樣呀?」
 
這次應該是我和Dennis第一次有較為深入的對話,發現他亦不是我所想像中般嚴肅,或許只是較為木獨的外表給我的錯覺。
 


當他說醫生只需他休息約兩個月便可重新投入訓練的時候,Howard和Eddie便從更衣室走出來。
 
Howard:「Hey Kyle仔,食唔食嘢呀!」
我:「食呀,唔係我坐喺度等咩呀。」
Howard:「等埋譚子健啦,佢啱啱先沖涼。」
Dennis:「佢點呀?有無神神化化咁?」
Howard:「有啲心不在焉囉,教練同你哋講過咩?」
Dennis:「唔關事啦,係佢自己亂諗嘢啫。」
 
此時,又一批隊友從更衣室出來。
 
Brian和家傑兩位正選隊友走到Eddie旁邊,搭著肩膊快樂地聊天,很快Dennis也加入他們。
 
看來Eddie已成功混進他們這個圈子。我看著他們微笑著。
 


Howard:「喂,做咩呀你?」
我:「無呀,見佢哋打成一片咁,幾開心。」
Howard:「過去一齊傾囉。」
我:「唔啦,等埋George就行啦。」
 
Howard突然摸了摸我的頭,不知甚麼原因,我卻因此反應不過來。
 
此時George終於從更衣室出來。
 
George:「Sorry呀Kyle,等多我一陣。Howard,過嚟講兩句呀!」
Howard:「又咩事呀。」
 
雖然面上帶著一點點不悅的情緒,但Howard也照向George的方向走去。
 
望著兩人很像很認真地說些什麼,我開始有點好奇為何George要把Howard拉走才說,有什麼不能讓我聽到?


 
還是他們要說有關我的事?
已有 0 人追稿