我是一個學界的灰姑娘: 9. 對校長的承諾

我同媽媽執好校服後，出去準備買書
 
我地睇一睇書單，真係好貴，但係同一時間，Miss Lam搵左個工友拎住兩袋書過黎
 
「余家琪同學，呢到係我照今年書單執嘅書，版本冇改，係妳前年D師姐留低嘅書」
 
「但係…」
 
「呢個係校長嘅意思，佢知妳屋企狀況，所以下令幫妳解決校服同書簿問題。仲有妳所有書簿費、行政費已經Void哂」
 




「真…真係?」
 
「我奶奶金口一開，佢唔會反悔。不過佢有一個條件」
 
「係…」
 
「妳要新學年再一次全級考第一，佢先會再幫妳，有冇問題?」
 
「冇…冇問題!!!」
 




「嗯….妳可以返屋企啦」
 
「知…知道….但係Miss Lam…」
 
「有咩事?」
 
「我搞到姐姐要罰抄…」
 
「妳可以放心…佢唔會自己抄嘅，我呢個女好霸道下」
 




「真係?」
 
「當然啦，佢係屋企同係學校都好惡」
 
係我地對話緊果陣，有兩個小朋友走過黎老師身邊，係一男一女
 
「媽咪媽咪，點解阿哥係外邊俾家姐罰抄呀?」
 
「契媽!!家姐要二哥哥抄書呀」
 
「浩翹、慧思乖啦，我知架啦。我出去叫哥哥唔洗抄啦，家姐呢?」
 
「佢食緊薯片，仲俾左幾塊我地」
 
「嗯….浩翹你帶慧思去搵婆婆啦」




 
「知道!!」
 
果個男仔好快拖住個女朋友仔走左去
 
我都望住呢對咁得意嘅小朋友，個女仔好可愛，紮住對孖辮。而個男仔，個樣非常似Miss Lam
 
「佢係我細仔，果個小妹妹係Miss Cheung嘅獨生女，校長唯一嘅孫女」
 
媽媽聽到Miss Lam咁講就有d奇
 
「但係Miss Lam，妳唔係校長新抱咩?」
 
「我係嫁左俾校長個契仔」Miss Lam笑住咁講
 




「睇唔出妳生左三個，妳身型仲係咁好」
 
「余太妳過獎啦，妳剛先都見我大女啦，頂心杉咁樣，持住有爸爸撐腰。仲有兩個仔，都俾佢地激到瘦。屋企又成日得我一日睇住佢地」
 
「妳真係好叻啦，生左三個。不過妳先生呢?」
 
「我先生做飛機師，佢成日唔係屋企」
 
「咁妳要飲多d湯水啦，多謝妳咁幫我地屋企」
 
「唔緊要，而且妳地有我爸爸推薦信，我點都要幫妳地」
 
「Miss Lam…林醫生係妳…爸爸?」怪不得Miss Lam咁眼熟
 
「冇錯，A simple act of caring creates an endless ripple that comes back to you，妳記唔記得?」




 
「我記得」
 
「呢句係爸爸口頭憚，我兩姊妹細細個就瞭解呢句野點解」
 
Miss Lam摸一摸我個頭
 
「9月1 號，著好校服，準時返學知唔知?」
 
「知道!!」
 
「小心鯊魚呀」
 
鯊魚?
 




當我同媽媽去到操場時，就發現小敏姐姐係到監視佢細佬幫佢抄校規
 
Miss Lam吩咐左幫佢拎書俾我果位工友，開學校部車送我地返北角
 
佢泊好車後跟我地上樓
 
「呀…偉叔，我地間劏房好細…你都係唔好入黎啦」
 
「唔通要妳同媽咪兩個人拎d咁重嘅書上樓?傻女，妳係學生，我有責任幫妳」
 
上到屋企，偉叔幫我地放低書之後再望一望
 
「唔好意思，我地屋企比較…」媽咪都覺得唔太好意思
 
「妳地得一把風扇?」
 
「係…我地都冇咩錢再買多把…」
 
偉叔再望一望「同學妳係呢床上睇書?」
 
「係呀…我床邊有盞燈仔」
 
偉叔係我地堆舊電器到搵野，結果佢搵到一盞大少少嘅燈同風扇