我是一個學界的灰姑娘: 42. Ethan的寶箱

「呢個箱…妳地點得黎架?!」
 
「哦…Natalie拎黎架」
 
「家琪?」
 
「Miss Cheung….其實…係Ethan借俾我用」
 
「下!?阿哥當呢個箱係寶黎架喎」
 




「佢應該唔會咁易借俾人架喎，佢係King屎用黎呃錢用，佢點會將生財工具借俾妳呀?」
 
「咁呢層…」
 
個氣氛好尷尬之時！有同學係窗邊叫返黎
 
「Miss Cheung!!有男仔闖入結界呀!!」
 
「今日開放日，算啦。慧思，我地去家姐到啦」
 




「知道，拜拜姐姐」
 
大家好齊心咁送走慧思同浩翹
 
「估唔到大白鯊個女咁似佢…連屈功都咁似」
 
「Miss Lam個仔好似俾佢食住，真係慘」
 
「好啦!!!準備啦!!!又有人黎啦」
 




我再一次望實門口，唔知自己等緊邊個黎咁
 
時間慢慢過，正當我以為佢唔會黎果時….
 
「倀雞琪，有冇位招呼我呀?」
 
係課室門口傳出浩揚把聲
 
我回頭，就見到佢企左係到
 
「你咁遲架!!」我眼中有少少淚水，應該係開心嘅淚水
 
「冇計啦，俾兩個表妹捉住，又俾家姐捉實..而且…」
 
「而且咩呀!?」




 
「我仲帶左好多人黎喎」
 
係佢身後，出現左好多佢嘅同學，全部都係King屎仔
 
「你叫咩呀?踩場呀?」
 
「黎幫襯下妳地個café者」
 
「咁你地入黎啦，姊妹!!開工!!!」
 
我睇住浩揚d同學一個個咁入錢落[人人有功練到]
 
「唔該哂你呀，帶咁多同學黎」我企係佢身邊講
 




「我話過幫妳架嘛」
 
我地兩個係學校慢慢行
 
「你就係因為搵同學黎，所以咁遲?」
 
「可以咁講。咦?妳今日做咩扎孖辮呀?」
 
「我?」我摸住自己條孖辮
 
「咁…我應承過你，扎俾你睇嘛。唔好睇咩?一定係啦，Miss Lam以前扎孖辮張相我見過，我一定冇佢咁靚」
 
「哈哈，傻啦!我點會用媽咪同妳比呀，係比都用Fi..呀…冇野啦」
 
「做咩呀?仲好掛住佢?」




 
「話冇就呃妳」
 
聽到佢咁講，自己有少少唔開心
 
「不如咁啦，我陪下你啦」
 
「你陪我?」
 
「見你咁慘，本小姐破例行街」
 
「咁我多謝妳先啦」
 
「聽你細佬話呢…你個箱係寶黎架喎」
 




「係呀，我個生財工具」
 
「咁你仲借俾我?」
 
「唔….唔知點解想借俾妳用」
 
「喂，等陣，你有目的嘅」
 
「邊有呀」
 
「真係冇?」
 
「冇呀!」
 
不過Ethan真係好幫我地手，帶同學黎之餘，仲幫我地招呼客人
 
開放日完結，我係到執野果時，聽到Miss Cheung同Miss Lam講野
 
「姐姐，做咩浩揚突然黎幫手呀?」
 
「唔知佢呀，尋日叫佢黎果時佢仲心不甘情不願咁」
 
「俾女仔飛係咁架啦，可能佢好快又搵到新目標呢，我果班一見到佢果時有幾個雙眼發光咁樣」
 
「有冇咁誇張呀?」
 
「就好似當年阿哥返學第一日咁樣」
 
「點會呀，妳估個個都係肥花咩」
 
我地成班係兩位老師面前點錢
 
總共…..籌到1000蚊，唔算多唔算少
 
「妳地打算捐俾邊個機構呀?」
 
「唔…Miss Cheung妳過黎丫」
 
Evelyn叫左Miss Cheung過去同佢講野
 
然後大白鯊就奸笑
 
「妳地曳啦，俾驚喜人，好啦，我代校長捐出相同數目嘅金額啦」
 
「多謝Miss Cheung!!!」
 
究竟佢地搞咩呢?