我是一個學界的灰姑娘: 43. 第一次去迪士尼

第二日，我係學校門口等浩揚，其實我今次唔係第一次同男仔出街，但係比上次拍拖更加緊張
 
係我地約定時間前10分鐘，佢出現左係學校門口
 
我見到佢出現，就立即走去拍一拍佢
 
「喂!程浩揚!」
 
「點呀?余家琪」
 




「咩呀，今日我好心陪你走出情傷喎，你應該多謝我先啱」
 
「咁妳想去邊?」
 
「唔….你想呢?」
 
「今日我發板?」
 
「當然啦，我陪你喎」
 




「咁我同妳去迪士尼啦」
 
講真，咁大個女我都未去過迪士尼
 
「做…做咩無啦啦去呀?」
 
「妳話未入過迪士尼嘛」
 
一有巴士黎，佢就推左我上車，向迪士尼出發。係車上，佢不停摸我條孖辮
 




「你做咩又搞我條辮呀!」
 
「妳真係聽我講扎孖辮呀?」
 
「咁….咁又係你話我扎孖辮好睇嘅!?」
 
「我估唔到妳真係會為我扎者」
 
「咁你鍾唔鍾意丫」
 
「鍾意呀」
 
我聽到佢咁樣同我講野果時，咀角失守左，微微向上，而我立即將個頭擰去另一邊
 
去到迪士尼，我地準備買飛，但係我估唔到佢會買左兩張全年證




 
「喂!你傻左咩!無啦啦買全年證做咩呀?」
 
「咁又係妳話想成日黎玩嘅」
 
「就算係，都係我自己買咪得囉」
 
「唔得!」
 
個職員好快咁幫我地影左相，Ethan佢極速俾左錢
 
俾媽媽知道，佢實鬧死我，但係我同佢都係照入左園區到玩
 
「妳想玩咩先呀?」
 




喂，我第一次入黎，邊識咁多野者
 
「我….唔…」
 
「睇妳都係唔知架啦」
 
「咩…咩喎!!!咁我真係第一次入黎嘛」
 
佢一手搭住我膊頭行去搭火車。咦?個心突然間震左一下嘅?唔通係Cell入邊d charge出左問題?唔會丫，我身體一向好好架
 
我地搭火車去到幻想世界，一落車我就問佢「點解黎呢到先嘅?」
 
「呢到係幻想世界，係所有女仔心中實現自己做公主嘅地方」
 
我望住呢個地方，又真係幾多公主野




 
「妳都係女仔，妳自小一定想做個公主，係唔係呀?」
 
點解佢可以咁瞭解我?除左做醫生之外，我真係想做一個公主，有個王子錫嘅公主
 
「多..多事啦妳」
 
佢指一指住旋轉木馬
 
「陪妳去坐啦」
 
係旋轉木馬，我同佢都坐係白馬上。原來玩旋轉木馬係咁樣架，轉下轉下好得意
 
然後又去左玩小熊維尼，不過令我最驚嘅遊戲呢，就係反斗奇兵大本營果個沖天搖控車，仲有果個降落傘，同埋灰熊山谷果個過山車
 




玩完幾個之後我已經腳軟，點解呢個程浩揚冇安慰我之餘，仲係到恥笑我
 
「妳咁冇用架余家琪!!!」
 
「咩喎!!!」
 
「李慧思四年級果時已經制霸哂所有機動遊戲啦」
 
「咩…咩話?Charlotte喎?」
 
「係呀，呃妳做咩?」
 
「我真係冇佢咁大膽」
 
我同浩揚坐係路邊d椅食三文治
 
「其實慧思真係好大膽架」
 
「即係點呀?」
 
「講妳知啦，慧思一直鍾意我細佬」
 
「下!?慧思鍾意浩翹?」
 
「係呀，佢地自從識爬果時已經一齊玩」
 
「青梅竹馬嘅小情侶喎」
 
「但係我仲未知我細佬點諗呢」
 
「你呢個阿哥咁冇用架」
 
「咩喎，我總唔可以咩都照顧哂個細佬架」
 
我地兩個繼續係路邊飲汽水
 
「起身啦，去影相啦」
 
「d公仔出黎啦咩?」
 
「就快啦」
 
我地兩個好快趕返去幻想世界同公仔影相，係果到，有大會攝影師係到，當然曬相就要錢啦
 
但係今日….浩揚仲俾錢買埋我同佢係城堡影果張相