我是一個學界的灰姑娘: 50. 小敏姐的審問

「家琪，出黎!!」呢條虎鯊嘅煞氣不下於佢地姑姐大白鯊
 
我跟住佢去到走廊盡頭
 
「咩事呀姐姐?」
 
佢轉身板起塊面對住我
 
我俾佢照顧咁耐，佢第一次咁對住我
 




「幾耐?」
 
「下?」
 
「我問妳幾耐呀」
 
「小敏姐…我唔明呀…」
 
佢行近我一步，我下意識退後一步
 




果個氣氛好凝重
 
「余家琪，我係問妳，同我細佬拍拖幾耐呀?」
 
我同浩揚穿左煲?
 
「姐…姐姐…」
 
「答我!」我眼前好似出現左恐怖版Miss Lam一樣
 




「大約…三星期左右」我低頭好細聲講
 
「妳追佢?定佢追妳?」
 
「唔…唔係架….我地兩個係…自自然然咁走埋一齊」
 
「點自然?」
 
「佢同Fiona分左手後…叫我陪下佢…咁樣我就同佢慢慢….」
 
「妳肯定係鍾意我細佬?妳鍾意佢d咩?」
 
「姐姐…Ethan…佢好識保護我…照顧我。好多事佢都以我為先…所以…」
 
「果然同浩揚講嘅係一模一樣」




 
「係?」
 
「家琪，我同妳講。我係佢兩兄弟家姐，我有責任要保護兩個細佬，上次就係我冇做家姐責任，令到Ethan俾Fiona傷害左」
 
「姐姐…我唔會」
 
「我當然知妳唔會，我識妳咁多年，我好清楚妳性格，但係有一個問題..」
 
「係…」
 
「紙係包唔住火，媽咪已經開始聞到陣味」
 
「點解會…我地收得好埋」
 




「係浩翹講，媽咪覺得Ethan最近好開心咁返學出街，同埋，佢身上有時會有女仔頭髮係上邊…d頭髮…一定係妳嘅」
 
姐姐拎出一個袋仔，入邊有幾條我嘅頭髮
 
「全校得妳一個頭髮天生係咁嘅咖啡色，而細佬最近成日黎學校，好快媽咪同姑姐就會知」
 
「即係…浩翹知道?」
 
「佢同慧思都知」
 
「佢地冇同Miss Lam講?」
 
「慧思叫浩翹同我講，再收錢冚實佢地把口」
 
果然係大白鯊個女




 
「係…」
 
「總之一句，如果俾媽咪知道左，妳要坦白d同佢講，知唔知?」
 
「知道姐姐」
 
「仲叫我姐姐?妳係我弟婦喎」
 
「家…家姐」
 
「拎住今期TIME啦」
 
「唔該哂…」
 




「有咩事都好，我會幫妳地兩個擋架啦」
 
「知道家姐」
 
原來…小敏姐姐同浩翹已經知道
 
佢地三姊弟果然係冇秘密