我是一個學界的灰姑娘: 51. 我地曝光啦

放學後，我同浩揚兩個人係SOGO睇衫，因為要準備買定衫去媽咪同偉叔註冊日啦
 
「唔…」我完全冇心情揀衫
 
拖住我嘅浩揚就問我發生咩事，我一五一十講哂佢知
 
「哦，咁咋，家姐早就知啦」
 
「點會呀」
 




「咁佢係我家姐，佢點會唔知」
 
「不過你怕唔怕Miss Lam唔俾呀」
 
「點會呢傻妹，媽咪都不知幾鍾意妳呀」
 
佢點一點我個鼻係到講
 
佢拎起左件衫俾我睇，再拍上我個身
 




「妳睇下，呢條米白連身裙幾襯妳，加埋條香檳色蝴蝶結，靚爆!」
 
「喂呀!!點會全身白架，而家係媽咪結婚呀」
 
「唔係呀，米白真係幾襯妳呀」
 
「真係?」我微笑咁望住佢，其實我真係信哂眼前呢個男仔嘅意見
 
因為佢揀左我做女朋友囉
 




係浩揚想答我果時，有一把熟悉嘅聲音代佢答左出黎
 
「真係好襯妳呀Natalie」
 
我係浩揚身後見到個人，然後浩揚都轉身望
 
係Miss Lam
 
「媽咪…」「Miss Lam…」
 
最重要嘅係…
 
「姑姐…」「Miss Cheung…」
 
佢地兩個永遠都會一齊行街




 
Miss Lam望住拖住手嘅我地，然後拋低左一句
 
「著校服時唔好太親密」
 
「知…知道…」正當我地想鬆開手時，Miss Cheung出聲
 
「拖手仔冇問題，如果要咀咀嘅話就唔好係太多人嘅地方」
 
「係…」
 
「浩揚今晚返唔返屋企食飯?」
 
「返….」
 




「家琪呢?」
 
「今晚…媽咪同偉叔都…」
 
「咁家琪妳今晚去我到食飯」
 
「知道…」
 
大白鯊係到上下打量我
 
「阿嫂，妳話家琪呢套係咪真係咁襯佢」
 
「個蝴蝶結係前好d」
 
「就呢套，家琪去試下俾我地睇」




 
「係….」
 
我試一試俾兩位老師睇
 
「嗯，唔錯，鞋呢?」
 
Miss Cheung遞左對白色平底鞋我試
 
我除左鞋襪試對平底鞋，再襯埋條裙
 
「bingo!就呢一set，唔該，要呢set」
 
Miss Lam對住sales講，再遞佢自己張信用卡
 




同時間，Miss Cheung都遞佢張卡出黎
 
「我遞出黎先架」「我遞出黎先架」
 
「㗅…」「㗅…」
 
「都話我送俾家琪囉」「都話我送俾家琪囉」
 
「㗅…」「㗅…」
 
兩個老師爭持之間，浩揚提出左方案
 
「媽咪妳俾條裙，姑姐妳條對鞋咪得囉」
 
「醒目喎!」
 
結果兩位老師就送左野俾我，而我就好乖咁跟佢地返去食飯
 
一入到Miss Lam屋企，已經見到小敏姐好似見到怪物咁望住我入屋
 
浩揚俾左對睡拖我換之後，我乖乖地坐低
 
Miss Lam就去煮飯
 
「妳地搞咩呀?」
 
「家姐…我地係SOGO斷正…媽咪同姑姐仲買左野俾家琪…」
 
「斷正嘅話…可能要見婆婆喎」
 
「見校長!?」乜會咁大件事架咩?
 
「Natalie，妳而家係同校長個孫拍拖，佢點可以唔知呀」
 
「咁…我會唔會死得好慘架?」
 
「妳應該唔會嘅…最多食十成獅子哮者」
 
30分鐘後，Miss Cheung帶住慧思上到黎，而佢手上仲拎住個手袋
 
「Natalie，呢個手袋我送俾妳」
 
我一睇個手袋…係Celine手袋!!!
 
「Miss Cheung…呢個手袋……」
 
「我果陣抽獎抽中冇用，妳拎去啦…」
 
究竟妳抽咩會抽中個Celine袋?
 
「但係….」
 
「我叫妳用就用」
 
「知…知道…」
 
「唔好同D同學講呀」
 
「係…」
 
「歡迎加入Celine一族」
 
係喎…Miss Lam同Miss Cheung經常係學校引導其他Miss用Celine牌子