我是一個學界的灰姑娘: 85. 佢鍾意我唔戴眼鏡

由於即將要比賽關係，我每星期練習次數由一日變為三日。冇左F.6嘅一班主力球員係到，我地F.4同F.5就成為左主力球員
 
「嗨!」「嗨!」「嗨!」
 
「有!」
 
我地一班排球隊球員不停係到練習，務求要再次衛冕冠軍。舊年小敏姐佢地帶埋我打到好辛苦先贏到DGS，今年點都唔可以失威。
 
傳聞DGS搵左DBS幫佢地手練波，所以我地都要加倍努力
 




即使天氣開始轉涼但係我地仍然練到一身汗
 
我坐係地下抖大氣，呼呼。如果Ethan係到就好啦，不過有可能咩?
 
突然我塊面俾一罐凍飲雪左一雪，攰到想瞓覺嘅我成個人都彈起身
 
我起身果時再睇下邊個咁大整盅，原來係佢
 
「你入黎做咩呀?」我一臉茫然咁望住佢
 




當時佢手上仲拎住兩袋雞蛋仔
 
「家姐囉，自己補課但突然間又嗌肚餓，佢就叫我幫佢買上黎」
 
原來係小敏姐叫外賣，早講嘛，本小姐肚餓
 
佢手上邊果袋雞蛋仔傳出陣陣香氣，我嘅視線就係咁樣俾佢吸引左。我一直望住袋雞蛋仔
 
「做咩呀?我食架」
 




「俾我食啦…我肚餓呀」
 
Ethan好無奈之下俾左我食雞蛋仔。佢又繼續望住我食野
 
「做咩呀?呢到學校呀，唔可以餵你呀」佢一定係想咁樣
 
「唔係呀，我係到幻想緊妳唔戴眼鏡個樣」
 
「我唔戴眼鏡?」我除低副眼鏡俾佢睇
 
「咪咁樣囉」
 
Ethan望住我冇戴眼鏡個樣再講「妳唔戴眼鏡更靚」
 
「真係?」




 
「呃妳有獎咩，不過妳而家戴紅色眼鏡又好得意」
 
我係佢面前拍拍屁股「好啦，去練波」
 
「妳小心d啦，我同媽咪姑姐走啦」
 
原來…佢鍾意我唔戴眼鏡
 
自從知道Ethan鍾意我唔戴眼鏡後，我有一日放學拉左Evelyn去陪我配con
 
第一次學戴con，非常順利，於是我就買左幾盒con
 
「妳睇妳丫Natalie，Ethan讚妳一句妳就開心到咁」
 




「咩喎，妳都可以搵個男朋友架」
 
其實Evelyn條件唔錯架，唱歌又非常好聽
 
「喂其實呢…妳做Miss Lam新抱，係學校會唔會尷尬呀?」
 
我諗一諗「尷尬又唔會嘅…」
 
「妳呀，諗定d答案俾人你問我答呀」
 
係再一次練波果時，教練宣佈左會有一場友誼賽去俾我地做熱身
 
終於可以比賽啦，其實大家經常自己學校自己人互相對壘，大家都知道對方底細
 
「教練，我地對手係邊個呀?今年DGS好似好犀利，佢地搵DBS同佢地一齊練」




 
「係囉，我地洗唔洗加強訓練呀?」
 
好多隊友都為我地主要對手而擔憂
 
「大家可以放心，陪我地友誼賽嘅學校都唔係差，一定會幫到大家提升實力嘅」
 
「咁友誼賽係幾時?」
 
「星期六，大家有冇問題?」
 
因為星期六要比賽，所以我就同Ethan講，果日冇得去街，但係佢又唔太介意
以佢性格一定又唔知想搞d咩野出黎