我是一個學界的灰姑娘: 87. 校長親自督師嘅比賽

球賽開始，對方讓我地先開波
 
隊長一個叩頭式開波飛過去，得分!
 
然後對方反攻。各位哥哥，我地英華女校排球都唔差架
 
係後場同學化解左攻勢，二傳俾我之後，我呢個主攻勢手(4號位)跳高殺個波埋去
 
我係瞄住兩個攔網球員中間殺過去。
 




不過對方手長腳長，我真係打得比較辛苦。好彩，觸手出界
 
自從小敏姐離開球隊之後，主攻擊手就落係我身上。雖然我唔高，但係我彈跳力一流，而且我係F.3時減左baby fat，所以彈得更高
 
我冇小敏姐果種左右手開弓嘅天生能力，但係我F.1果時開始練習一種殺波方式，已經可以用到好熟，正如李小龍講「我唔怕一個識一萬種踢法嘅對手，我係怕一個將一種方法練一萬次嘅對手」
 
每一次二傳手Set個波俾我，我都可以彈到好高再殺波。唔單止我，我地副攻擊手(2號位)仲間唔中突擊對方
 
一眾男排俾我地嘅攻勢嚇到面上毫無血色。不過佢地始終係男仔，所以佢地利用男仔嘅長處向我地反擊
 




佢地不斷殺波嘗試攞分，但係好彩我地嘅自由人夠靈活，同埋佢分析得好好，所以都化解左唔少攻勢
 
但係大家體力都消耗得7788，同男排比賽，果然唔係一件易事。我地好辛苦先打得贏呢班男排
 
比賽過後我坐係長椅上抖大氣，面上D汗珠滴到一地都係
 
之後，塊面又俾一罐凍飲雪左一下
 
「攰呀?」Ethan好似係到恥笑我地咁
 




我一手打開罐寶礦力，咕嚕咕嚕咁飲哂成罐。Ethan就住係我身邊幫我抹汗
 
「妳真係家姐嘅傳人，4號位非妳莫屬」佢打開人人有功練係到數錢
 
「嗯…希望到正常比賽果陣發揮到就好啦」
 
日子好快就到左學界排球比賽
 
小敏姐同一班大師姐係舊年已經完成三連霸，如果我最後呢兩年可以贏埋冠軍，我地就可以創造歷史，學界女排五連霸
 
首先，我要係今年贏左冠軍先
 
比分板上比數係2-2平手，今年又係我地兩間女校對壘，我地老對手女拔
 
今年我地晉級係辛苦好多，要淘汰協恩、培道、體藝、真光同嘉諾撒先可以晉身決賽




 
係場上，有小敏姐同之前嘅大師姐返黎睇呢場女拔復仇戰，其實佢地都復左好多年
 
今日除左校長黎睇比賽之外，仲有大白鯊同Miss Lam
 
校長出奇地坐係後備席
 
「好，排球隊」
 
「係!校長!」
 
「打左四局啦喎，妳地一定好攰」
 
基本上我都差唔多暈暈地，已經係到吸緊氧氣