我是一個學界的灰姑娘: 104. 校內的八掛消息

同佢地三個打麻雀係好有趣，我地仲會邊打邊交換學校嘅小道消息
 
「咩話?有人見到吳sir同Miss Yeung行街?」
 
「係咪拍緊拖先?不過都似係架啦，佢地兩個成日出雙入對」
 
「唔係喎，佢地好似一樣住太古架喎」
 
「咦，會唔會係….同居?」
 




「係喎，有可能喎」
 
我地四個細聲講大聲笑，開心到大白鯊返左黎都唔知
 
「喂喂喂，妳地四個做咩講是非講到咁興奮呀?」
 
「嘩~大白鯊呀~」x4
 
「作死妳地四個呀!點呀?有咩小道消息聽到呀?」其實大白鯊都係一樣咁八掛
 




但係一講到八掛野，點會得大白鯊一個呢?Miss Lam都好快過到黎聽埋一份
 
「咩話?吳Sir同Miss Yeung行街?唔奇丫，佢地兩個年齡相約」
 
「不過姑姐，有同學見過佢地一齊係太古出現喎」
 
「咁佢地都住太古，唔奇呀」
 
「但係姑姐，佢地會唔會同居呀?」大家雙眼都好奸
 




「同居嘛…唔…」大白鯊係到沉思
 
「咁人地放左工都係普通人者，唔洗咁介意喎」Miss Lam係到幫佢年輕嘅同事
 
「仲有呀，Miss Wu好似有左咁」小敏姐又係到八
 
「妳點知呀?」x5
 
「妳地唔見佢最近行得慢左，而且好易攰，個肚有少少隆起咩?」
 
「嘩，佢老公犀利囉，暑假先結婚，咁快就一擊即中」
 
「係咪食得海狗丸多呀?我見Miss Wu果次睇網購…」
 
「海狗丸有用架咩?」大白鯊終於忍唔住坐低一齊傾




 
係校長屋企，兩位老師同四個學生係到講學校內嘅是非，可能真係第一次
 
由於今晚係做冬，冬大過年，所以今餐特別多野食
 
仲有校長親自整嘅鮑魚，有Miss Lam整嘅蟹
 
仲有Miss Cheung煮嘅蝦等等，仲有燒肉、乳鴿之類
 
所以，我預料今晚會飽到上心口
 
我地一班小朋友坐一檯，而一班大人坐另一檯。照舊我係坐慧思同Ethan中間
 
我第一次食校長煮嘅野，一咬落去
 




真係好食到呢…..難以用筆墨去形容，應該話已經唔可以用好食去形容
 
校長行過黎同我地成班細路傾計
 
「點呀妳地成班，聖誕節有咩搞呀?」
 
「瞓覺」x2呢個係慧思同浩翹嘅答案
 
「婆婆，我地係屋企吽蟲呀」x2
 
「小敏妳呢?」
 
「婆婆呀…我聖誕假要返去補課呀!!!!妳救下我地班啦」
 
「咁冇辦法架，妳DSE當然要著緊D啦」




 
「但係由27號開始補….直到30號呀…」
 
「乖啦，妳放完假就考mock架啦」
 
「呀!!!!!!」
 
小敏姐已經每晚都係到溫書，唔通佢仲仍然覺得唔夠?

「Natalie，妳呢?」終於燒到我果到
 
「呀…我呀…」我望住浩揚
 
「校長，我都係同小敏姐一樣，溫書」
 




浩揚立即覺得好失望，佢應該覺得我會同佢去玩咁樣
 
「妳仲要溫書呀?」
 
「雖然功課就做哂……但係都要溫下書嘅」
 
「除左溫書之外呢?」
 
「幫Miss Lam照顧兩個小朋友，幫校長妳湊孫女」
 
「呵，Natalie妳真係好幫得手，得閒跟Ethan黎多d啦」
 
「知道校長!」