從零開始的留班溝女生活: 12

我返嚟啦

我做咗一個錯嘅決定，我用雙手攬住Miss Chan，雖然啲人話當一個女仔唔開心嘅時候，你乜都唔使講，只係需要比佢一個簡單嘅擁抱已經好足夠。但……但係我完全無經佢同意喎，佢而家告返我非禮都仲得喎，佢而家心情咁差，應該唔得閒諗呢樣嘢嘅，希望啦！Miss Chan佢應該明白我係出於好心嘅。

我：「唔好喊，仲有我喺到。」

Miss Chan一手抹一抹自己d眼淚，一手捉住我攬住佢嘅其中一隻手，然之後用我膊頭借一借力再踢返起身。

Miss Chan：「呀Ken，你放心啦，Miss Chan我已經冇事啦。同你講完之後真係舒服咗好多，而家成個人鬆晒。時候都唔早啦，你都快啲返屋企，記得做埋晒啲功課，唔好欠交呀知唔知。」



我：「Yes madam?」

我都唔知點解我會咁講，呢個情況正常唔係應該講「ok」、「收到」、「係」、「知道」之類嗰d説話，可能因爲我覺得Miss Chan臨尾嗰句成個命令咁樣，搞到我都用返個比較嚴肅dd嘅回答去回應佢。不過諗深一層，Miss Chan條仔，唔係，應該係Miss Chan條ex先啱，究竟係咩女仲吸引過Miss Chan搞到佢ex直接出軌。不過Miss Chan又真係，究竟佢有幾鐘意人哋，可以鐘意到唔介意佢一腳踏兩船。算數我都係唔八掛，我又唔鬼識Miss Chan條ex。

第二日返學，Miss Chan望我嘅眼神好似唔同咗，平時嘅佢都係笑住咁樣望大家，但係今日嘅佢望我嗰陣時眨咗一下眼，我唔知佢係有意定無竟，但係比佢咁樣電一電，搞到原本未瞓醒仲想趴喺張枱瞓
多陣嘅我即刻成個人彈起身醒晒。

Tina：「呀Ken你有冇野啊?你咁樣無端端彈起身嚇親我啦！」

我：「我冇野喎。Sorry Tina嚇親你唔好意思。」



Tina之後用連續普通拳a咗我幾下。

Tina：「你真係呀，冇野都喺到嚇人！你個衰人呀，一陣搞到我瞓唔到點算！」

我：「使唔使我講故仔氹你瞓。」

Tina一聽完隨手拎起一本書又a我幾下，好彩佢都有返d人性，冇拎硬皮薄嚟打我。

Amy：「你兩公婆打情罵俏就返歸先啦！」睇嚟Amy佢都睇唔過眼，定其實佢係呷我同Amy醋，呢個可能性應該唔高。



Tina同我超合拍，異口同聲咁樣講：「我哋都冇一齊！」

講就咁講 但其實我心入面不知幾想同Tina一齊，係時候做返啲野，感覺佢好似唔係特別抗拒我。

之後上堂嗰陣時，我同Tina都冇乜點講嘢，坐得有少少開，唔似之前幾乎膊頭貼膊頭咁樣坐，睇嚟我同佢都怕咗Amy。

Lunch我同平時一樣，都係同Amy兩個人喺canteen撐枱腳。食住佢嗰啲又平又好食嘅飯餸真係開心死，應該話比錢佢食飯已經抵曬。

Amy：「你係咪同Tina一齊啊?」

我：「冇冇冇！我喺度亂諗嘢！」

Amy：「仲未一齊，你仲唔快啲去表白。」



我：「你都黐線，識佢冇耐就表白。不如識佢冇耐就問佢有冇興趣執返濟！」

Amy：「你個鹹濕仔，你而家搵女友，唔係搵炮友。」

其實如果對象係Tina嘅話，唔使做友，做炮友都唔錯，乜友都ok，唔係道友就得。

我：「我幾時有話過想溝Tina啊！」

Amy：「係囉唔知邊個成日上堂望住人哋，成日借啲意同人哋坐得好個接近。使唔使姐姐教你點樣溝人哋。」

我：「姐姐wtf，我仲大你一年。我Ken哥溝女使你教。」

仆街啦，a0小毒毒點樣溝女神。