從零開始的留班溝女生活: 11

望到有女仔喊，我梗係唔可以唔理啦，即刻沖過去關心一下Miss Chan。

我：「Miss Chan你冇事吖嘛?」

Miss Chan：「我……我冇事，呀Ken堆薄你係咪已經check好?」

我真係估唔到Miss Chan啱啱喊完，錯應該唔係啱啱喊完而家仲眼見佢有幾滴眼淚添，都可以仲有心情去理工作嘅嘢。

我：「冇錯呀Miss Chan，我已經check好晒所有薄，所有同學都好乖偷工減料。」



Miss Chan：「咁就好啦，呀Ken你放低d薄畀我就得喇。」

我：「Miss Chan，你喊成咁就唔好掛住做野。你比自己冷靜一下平復一下心情先，如果講出嚟會舒服d嘅話，可以講比我聽。」

Miss Chan：「咁我哋返課室度傾，我啱啱先喺嗰度行過嚟，校工應該未鎖門嘅我估。嗱呀Ken，Miss Chan講明先，一陣講嘅嗰度講完嗰度散，俾我知道你講咗出去令到其他人知道嘅話，你死緊。」

如果Miss Chan唔係話我死緊嘅話，而係話我如果爆出嚟就記我缺點小過嘅話，我一定會忍唔住爆出嚟。不過好彩，Miss Chan佢都唔算波大冇腦，都算係個醒目女嚟。

入到課室，我哋搵左個位坐低，好彩Miss Chan唔係著deep v，如果唔係好好心機聽佢講嘢，集中曬喺視覺嗰方面。



Miss Chan：「嗱，件事呢就係噉嘅。我早幾日發現我男朋友出軌。」

我：「出軌咁大鑊，你哋一齊咗幾耐同埋你點樣發現佢出軌。講明先我唔係八卦，純粹係想令我更容易理解件事嗻。」

其實我真係純粹八卦，話唔係八掛就假啦，求鳩祈作個藉口頂住檔先啦。不過佢條仔又真係有啲問題，有Miss Chan呢個咁正嘅女朋友都竟然仲出軌，Miss Chan佢係教中文，又唔係教宗教，應該唔係啲咩反對婚前性行為嘅虔誠教徒，不過又冇人話過教中文唔俾信主嘅。

Miss Chan：「我同我男朋友一齊都差唔多7年，佢係我初戀嚟，佢係我大學同學，我哋喺o camp度識，開咗學之後佢就不斷約我食飯出街，過咗一排就同我表白我應承咗。我知道男人係鹹濕，同佢一齊左幾個月佢就喺度問我搞唔搞野，但係嗰陣時我仲係處，我又唔想咁快畀人食咗隻豬，所以咪唔同佢咩囉。就係我廿歲嗰年嘅平安夜，嗰陣時咁啱氣氛好好情到陣時我就畀咗個處佢。之後佢都間唔中會我同佢搞，我都唔會特別拒絕佢嘅，儘量滿足佢嘅要求，我知佢有需求，不過佢唔鍾意用套，但係我又唔使咁快做媽媽住，所以咪走去食避孕藥。」

我：「聽落嚟嘅關係都算好好，咁點解佢會出軌嘅，你又係幾時發現。」



Miss Chan：「就喺8月嗰陣時，我有個中學同學喺酒店度做，佢見到我男朋友成日帶住個女仔去開房。起初我都唔信，之後我嗰位中學同學就係佢哋嚟酒店嗰陣時偷偷地影左既相俾我，我嗰下真係當場崩潰，完全冇諗過一齊咁耐嘅男朋友竟然會背住我去偷食。跟住呢排佢成日唔搵我，就算同我出街嗰陣時都會用各種籍口中途離開，唔洗諗都應該係知係去搵小三。啱啱佢一個電話打嚟就同我講分手，我真係好愛佢，我其實唔介意佢出軌，只要佢心入面仲有我就得嘅喇。」

我頂，點會有女仔接受到自己男朋友出軌架，呢個又唔係後宮番嘅世界。見到自己班主任陶醉喺愛情度我真係頂唔撚順，佢條仔咁過分佢都可以忍呢下真係唔話得，搞到我直情想當埸表白添，咁好嘅Miss Chan落喺個渣男度真係好浪費。

之後，我做咗一個錯誤嘅決定……