性交轉運打喪屍: （16）

「『朽』公…放手…咳咳…『禾』好辛苦…咳咳…」娟姐臉容扭曲，表情十分痛苦。

我爬返起身，衝埋去從後熊抱住老豆條腰，然後好似打摔角咁扯開佢。

老豆成六張嘢都咁鬼大力，我要用盡力氣，好唔容易先成功分開佢同娟姐。

分開一瞬間，聽到「嘶」一聲。

係布料撕破嘅聲音。



拉扯過程中，老豆一手扯爛左娟姐件衫。

娟姐身上嘅白色T-shirt，前面塊布被撕爛，對波露曬出嚟。

黑色喱士胸圍包住豐滿雪白嘅乳房，中間還有一條乳溝。

我掛住望條波嚹，分左兩秒心，結果就俾老豆有機可乘。

對方仆埋嚟捉住我，我被逼一邊後退，一邊耍手fing開佢。



但係個廳咁細，無咁多地方走避，我退無兩步就撞落張飯檯度，條腰頂住左無得再退後。

老豆成個人壓埋嚟，把口一開一合，上下顎嘅牙齒碰撞出「格格格」嘅聲音。

經歷今朝一輪逃跑同搏鬥，依家嘅我其實已經好攰，手腳都接近無力。

我無法推得郁佢，只能挨後個人，盡量避開唔俾佢咬到。

老豆個頭越伸越埋，無力抵抗嘅我條腰就越拗越後，「銀」到檯面上嘅遙控器，唔小心開著左部電視。



對方捉實我嘅手臂，本來準備咬落去，但電視發出嘅聲音分散左佢嘅注意力。

我就趁佢望住電視呢小小嘅空擋，用僅餘不多嘅力氣起腳𨅝開佢。

老豆退到幾步之遠，呢個時候嘅娟姐打算開門逃跑，咁啱就被老豆擋住去路，更再次被盯上。

「『朽』公…唔『巧』行埋嚟…」

話音一落，老豆舉起雙手，作勢撲過去。

娟姐第一時間轉身衝入廚房躲避，我亦無袖手旁觀，周圍揾下有咩架撐幫到手。

廚房嘅摺門係塑膠物料製造，老豆兩下手勢就撞爛左，破門而入。

「老公不要！我的手快要斷了！求你住手！」



廚房傳來娟姐嘅普通話呼喊聲。

形勢危急，我喺廁所快手執起掃把，隨即就跑過去幫拖。

喺不足五十呎嘅廚房中，背靠洗手盆嘅娟姐雙手俾老豆捉住，動彈不得。

佢搏命咁掙脫，耍手扭腰，試圖fing甩老豆。

掙扎時，佢心口對波隨之而晃動，彈下彈下好似就嚟要「凳」出嚟咁。

啊！依家唔係關注娟姐個心口嘅時候！

我將目光由娟姐嘅乳房，轉移到老豆嘅後頸，跟手高舉掃把，跳起一嘢毆落去。