性交轉運打喪屍: （69）

「…熱情並無變，難管它滄桑變化…」對方唱到喉嚨沙先肯停。

餘音散去後，佢先講返背脊上傷勢嘅來歷。

「我本身喺一間local製藥廠做lab嘅，喪屍病毒大爆發嗰日，乘哥派一隊人嚟藥廠，唔單止擸曬我地嘅設備同原料，仲想捉埋我地班lab佬走…」

有個詞語聽唔明，於是我打斷佢問：「恕我見識少，lab即係咩？」

佢飲一啖酒，答我：「lab咪即係實驗室咁解，簡單嚟講，我喺藥廠實驗室助理，平時就係協助藥物檢測同研發。平時日日對住啲化學嘢，又成日OT，搞到我三十歲未夠就甩q曬啲頭髮，好彩我老婆一啲都唔介意我禿頭…可惜…嗚嗚嗚…」



提到老婆，佢又喺度喊。

我揾張紙巾遞俾佢：「頭先你話乘哥班手下嚟捉你地，佢點解要咁做？」

喊左一陣佢回答：「佢嘅目的咪就係想帶我地返佢屋企，然後困住我地幫佢研發解藥。」

「下？」

「咁我梗係唔撚制啦，我點可以拋低老婆，跟佢返去同佢整解藥，你話係咪先？所以我咪揾機會偷走，背脊條刀疤就係偷走嗰陣，俾乘哥班𡃁斬傷，好在最後死唔去，又成功走得甩。」




一大批人、四圍去捉人、整解藥..

唔知點解，聽完對方咁樣嘅描述，令我諗起喺城大所遇到嘅嗰班著住黑色裝甲，戴住黑色面罩嘅神秘人。

「捉你嗰班人，係咪全身著住黑色甲，戴黑面罩，手上仲拎住激光槍？」我問。

「又無咁勁，雖然我都有聽講乘哥養左批科學家，偷偷研發啲高科技武器，但應該未去到激光槍咁誇，印象中，捉我嗰班人頂多都係陀支手槍。」

原來唔係同一班人，咁嗰班著黑色裝甲嘅究竟係咩人？



「照你嘅講法，假如乘哥揾人研究到解藥，咁我地咪有救囉？」

「係嘅，不過其實有喪屍都唔驚啦，乘哥屋企銅墻鐵壁，防衛森嚴，喪屍根本入唔到去，傳聞唔少達官貴人都走左入去避難。」

「你話我地去門口求下乘哥，佢會唔會開門俾我地入去避難呀拿？」

「你邊位？諗下好啦。」

「又係嘅，我地呢啲nobody，乘哥點會開門口俾我地入去。」

跟住我問佢：「係啦，講左咁耐，都未知你叫咩名？」

「我叫阿得。」



「阿得，既然你喺藥廠做，連乘哥都想捉你走，咁會唔會都識整解藥？」

阿得一下苦笑，搖搖頭，飲啖酒答：「我無呢啲quali，或者你俾個配方我，要我跟住做可能就得，要我自己研究出嚟就唔得啦。」

過左一陣，楊過沖完涼，搭住毛巾行出浴室。

見到對方沖完涼，我先再去沖。

千其唔好誤會，我唔係驚楊過會喺沖涼嘅時候做啲乜嘢，單純只係唔鐘意沖涼時候隔籬有人。

執齊衫褲，準備行入浴室之際，碰見Sandy同Shirley喺房間行出嚟。

佢地兩個已經沖好涼，換好曬衫。

呢兩姊妹著住短到遮唔到大髀嘅排球褲，身上笠住Tshirt。



相似嘅裝束，二人卻著出唔同嘅感覺。

Sandy有靚樣，帶有偶像女星嘅氣質，著住粉紅卡通tee搭短褲都已經夠曬正。

所以人靠衣裝呢句說話並不準確，根本靚女著咩都係咁靚。

另外佢身材都唔差，雖然對腳無Isabel嘅咁長，但一樣都係咁直咁白滑，心口好似大過Isabel，估計有c。

不過講身材，Shirley肯定係三個入面最掂，前凸後翹，要波有波，要籮有籮。

嗰件Tee咁鬆佢對波撐得起，條排球褲就好貼身，完全shape到佢個又翹又圓嘅籮pat。

外貌係無家姐咁正，同埋高度矮左少少，但唔緊要，正所謂「細細粒，容易食」，加上身材咁惹火，上到床一定好好砌。



我望到入曬神，眼都唔記得唔眨。

Sandy隨即就留意到我猥瑣嘅眼神，調返轉頭入房。

當佢再返出嚟，我就發現佢下身漲起左少少。

呢個時候我先醒起對方身上嗰條貞操帶。

佢講過邊個救到佢個妹，佢就會解開貞操帶，並以身相許。

諗諗下，自己似乎符合到條件。

首先係我喺城大揾到Shirley，其次亦都係我陪Shirley一齊離開大學。

過程中我地遇到喪屍，我有出過力趕走班喪屍，從而令我地能夠順利而安全咁走佬。



咁計落，救出Shirley嗰個咪就係我囉？！

今次仲唔得米？！睇嚟有機會同Sandy共度一宵！正呀！