性交轉運打喪屍: （148）

我睇準時機，喺佢抬腳一刻，一拳擊中佢嘅鞋底。

頭先忍左咁耐，儲左好耐氣，終於出到一拳反擊。

Alpha當堂失平衡向後跌低，我馬上起身撲上去，壓住佢個身，猛向住佢個頭同臉瘋狂出拳。

每一下都係拳拳到肉，打到佢口腫面腫，鼻血都流埋。

「啊！」突然之間，遠處傳嚟Kappa痛苦嘅叫聲。



我不得不停手，轉移目標，衝埋去嗰班裝甲人堆中解救Kappa。

「砰！」「砰！」「砰！」

我毫不留手，用盡全力打低嗰班人，對面一個二個啲裝甲俾我打爆曬，拳頭與肉體直接碰撞，激起響亮清脆嘅擊打聲。

一輪激鬥後，全部裝甲人都俾我打敗，手上嘅拳頭沾染左一撻撻紅色嘅鮮血。

眼前剩低嘅敵人就只有Alpha一個。



「可惡啊！！！！」佢抹走臉上嘅鮮血，仰天狂怒咆哮。

佢啲肌肉突然間再次谷起，二頭肌、三頭肌變到好似岩石咁大，指甲變得異常鋒利，同一時間頭髮脫落，全身皮膚變成灰黑色，望落去成隻怪物咁。

「RauuAhhhhh—」

Alpha發出猶如野獸般嘅叫聲，並大步踏前，連地板都踩碎埋，接住嘅下一秒，佢極速咁閃現到我地眼前。

「砰！」一聲，佢一拳打埋嚟。



就算擋到，但我都受唔住道力，冼後左幾米咁遠，雙手痛到幾乎麻木咁滯。

「Kappa你走先！」我叫Kappa快啲走。

對方卻回應：「唔得！你唔可以丟低你唔理！」

「咁咪啱囉！一齊落地獄做對亡命鴛鴦！」

Alpha「砰」一聲打穿身邊副墻，以展示佢拳頭嘅威力。

Kappa卻毫不畏懼，揸住木棍作出攻擊。

結果Alpha輕輕一撥就怕斷木棍，隨即使出李小龍式嘅高踢腿還擊。

我用盡全速，衝埋去擋喺Kappa面前，轉身用背脊擋左Alpha重重嘅一腳。



「走…」我嘴巴吐出鮮血，出手推走Kappa，下一個動作就係快速轉身，瞄住Alpha個頭出拳。

「呵呵！太慢啦！」Alpha輕鬆閃避。

我再嚟一個側踢，又俾對方避過左。

唔知係因為身上嘅傷令我慢左，定還是Alpha快左，我使出全速接連咁揮拳踢腿，但都一一俾對方避過左。

「輪到我啦喎！」Alpha瞬間繞過我嘅身後，單手抓住我個頭，再一嘢將我個頭撼爆走廊上幅墻。

咁都不得止，佢再一腳狠狠踢我條腰，我個頭就咁夾喺墻入面，不受控制咁喺墻上劃出一條粗長嘅直線。

「哈哈哈哈！」Alpha一邊笑一邊掹返我個人出嚟，



呢刻嘅我血流披臉，神志開始有啲不清。

對方瘋狂用膝頭哥撞我個肚，每一下都好似俾架大貨車撞咁，心肝脾腎感覺就嚟俾佢撞爛曬。
「蕉！蕉！蕉！」

Kappa始終都係無聽我嘅說話離開呢度，更拎住激光槍不斷向住天花板射。

激光射爆石屎天花，揚起陣陣沙塵，一舊舊堅硬嘅石屎紛紛墜落。

Alpha一手捉住我，另一隻手舉高打碎墜落嘅石屎。

Kappa放低激光槍，趁呢個機會突襲。

佢拎住軍刀迅速繞過後面，從後偷襲Alpha。



可惜速度始終唔夠快，對方一下就閃開左。

呢一刀無傷到Alpha半分，只割斷佢幾根髮絲。

「原本見大家一場夥記，諗住留你條命耐少少，遲啲先殺你，不過你主動送上門，趕住嚟送死，咁唯有成全你！」Alpha口口聲聲要先解決Kappa。

「我唔會俾你傷害佢！」我手腳並用纏住Alpha，嘗試鉗製佢，唔俾佢郁手傷害Kappa。

但Alpha卻又再次捉住我個頭，瘋狂咁撼我個頭落地下。

「砰！」「砰！」「砰！」

我個頭同地下不停劇烈碰撞，地板碎裂，我既頭頂則爆缸流血。

「放手呀！」Kappa見到我咁樣俾人糟質，揸住軍刀衝埋嚟救我。



Alpha卻唔俾任何人反擊嘅機會，一手叉住Kappa條頸，另一隻手搶走軍刀。

我嘅視線被滿面血水掩蓋而變得模糊：「放…放開Kappa…」

「聽人講，呢個世界有一樣嘢會令人好痛苦，你知唔知係咩呀？」Alpha單手捏住Kappa條頸，慢慢稱起佢。