那天，我遇上了命運之藍: 老朋友

妖！
夜媽媽邊個打黎！
我發緊………算啦！
 
唔訓醒既我無望邊個打黎：「喂………」
 
對方：「小狼！係我，藍斯洛呀！」
 
我︰「藍斯…………洛！！！？」
 




我慢慢意識到對方係邊個，
 
我︰「你做咩打比我？ 咪住！你真係藍斯洛？」
 
呢段時斯洛都有打比我，
正確黎講係玩電話，
但據聞佢呢一年好奇怪…
 
斯洛：「真係我！我唔知點講，但我一訓醒就發現好多野都唔對路。」
 




直覺話比我聽佢今次無講大話。
 
我見佢問始唔冷靜︰「斯洛你冷靜啲聽我講，呢段時間發左好多事，我信你，唔知點解今次我肯定係你，我而家去你到你保持清醒。」
 
講完之後佢突然靜左。
 
我：「你點呀？」
 
除左隱約聽到斯洛既呻吟之外就咩都聽唔到。
 




我收線打番過去已經無人聽。
 
隔左一陣，
斯洛打黎…
 
我：「喂！」
 
斯洛：「做咩咁好打比我？」
 
因剛才既對話同而家既形成強烈對比底下，
好明顯分得出而家係電話入面既人根本唔係藍斯洛。
 
我：「無，撳錯電話。」
 
斯洛：「唔緊要啦，唔好再立亂打錯電話，好影響人。」




 
我：「sor，無下次，得閒飲茶。」
 
講完，雙方就收左線。
 
好明顯斯朗扮緊藍斯洛，
如果岩岩唔係同斯洛傾完，
根本就分唔出，
而且可能因為佢仲有睡意既關係，
佢有少少掩飾唔晒佢既氣場…
 
如果佢咁有意識去扮斯洛，
咁即係話呢件事唔係一時三刻，
莫非佢一早已經扮緊？
如果係既話，就可以解釋呢一年既變化，




咁歐陽巧遙又知唔知呢件事？
 
咁斯洛而家又點？
但照岩岩咁聽，斯洛應該處於一個沉睡咩都唔知既狀態…
希望藍斯朗無發現岩岩既事…