那天，我遇上了命運之藍

我：「你今晚煮咩食？」

 嵐嵐︰「西炒飯～」

 我︰「你琴晚食剩好多飯？」

 嵐嵐︰「唔係呀…我都唔中意食剩野」

 我︰「咁你邊黎咁多隔夜飯？ 問隔離屋拎？」 





嵐嵐︰「下？煲飯咪得，做咩要隔夜飯？」

 我︰「智障，炒飯要用隔夜飯先夠乾身夠好食！」

 嵐嵐細細聲︰「唔怪得咁難死…」 我︰「唉，你都係等我整比你食啦……」 嵐嵐︰「你整比表姐食得啦，我要等我既真命天子煮比我食～」 嵐嵐不經不覺已經走左好幾年，呢段日子我地都有keep住video call，雖然係咁，但都無以前咁熟。 都係講番香港既事，今晚係平安夜柔柔約左我出去尖沙咀行街，夜晚同埋佢堂妹一齊食。 我同柔柔一齊左？ 唉，我都唔知算唔算係一齊左，我地的確係成日出街、傾電話、去對方屋企食飯，但好似無直接承認對方既關係，我地無拖手、無錫、無攬。我好明顯知道柔柔佢係等緊我答覆，但我真係唔想拍拖，同時我唔知自己究竟中意邊個，簡單黎講，我未ready去拍拖去承擔一段關係。 柔柔︰「聖誕唔凍真係好無氣氛……不過好彩有小狼係到，everyday都係聖誕節～」 我︰「哈，唔係情人節咩？」 柔柔︰「嘻～」 柔柔既心意你知我知，單眼佬都知。但我就係無辦法回應。 正當我地處於呢種曖昧，湘庭同佢表弟奕熹行緊番黎，我地收起呢種曖昧既氛圍，但勢估唔到奕熹突然比人撲左係地下係咁打。 柔柔焦急地指住佢地︰「小狼！」 我迅速跑前想將果個男仔制伏… 可惜佢既反射神經離奇地快，秒速將我踢開。 佢無諗住放棄，我馬上用身驅擋係奕熹前面，佢明明瘦我咁多，點解會同我差唔大力？ 我多年gym房既鍛鍊終於大派用場。 正當我想再比力壓制佢之際，佢忽然驚奇咁望住我，好似發現左啲咩咁，出盡力甩開左我隻手。 我決定追住佢，問清楚佢做咩打人。 跑到入某後巷之後突然轉身一腳踢埋黎，我剎唔切掣硬食左佢一腳甘既。 佢呢腳既力度擺明係想攞我命。 一個好眉好貌既男仔，出招咁狠之餘，仲充滿住殺氣……而且佢既眼神話比我知「你係我獵物，要殺左你」 唔知點解心入面有種興奮，有種想認真同佢廝殺既感覺…… 我地向對方衝埋去進行近身互搏。 我搶先機，首先單手叉住佢頸推佢埋牆，佢跳起用雙腳向我腹部腳，我成功用左手格擋住佢既攻擊，左手頓時痲痺，右手亦鬆開左。 佢借我呢下硬直向我反擊，我迅速踎低避過佢既禽抱。 我企起身用右肩同手將佢成個拓起再撻落地!佢係半空期間用手纏住我條頸。結果我地一班跌左落地。 我︰「你係邊個？ 點解要攻擊奕熹？」 佢終於講野︰「我無必要答你，不過同你玩得好開心，係咪好耐未試過呢種熱血呢?」 佢好似睇穿左我咁。我的確幻想唔少次呢類埸面。 我︰「咁即係話你純粹撩交打？」 佢︰「你同我係同類人，對世界有好多不滿，曾經被人丟棄，什至連自己都可憐自己，你只係個唔肯定面對事實既廢柴。」 我︰「唔好將你既悲劇套係別人身上。因為內心既軟弱而封閉內心，企圖用惡行黎彰顯自己既強大，塑造孤傲既盔甲遮掩自己既失敗同幽傷，連面對既勇氣都無，你只係一個失敗者。」 佢突然大叫︰「你同我收聲!!!」 憤怒遮蓋左佢既理性，攻擊變得簡單直接。破碇變多左，我趁機捉住佢隻手鎖住佢。 我︰「我同你唔一樣，因為我已經面對左自己既軟弱，你呢?」 佢突然好辛苦咁大叫左聲。 我︰「你無事嗎?」 佢既大叫令我分左心，比佢搵到空位甩開我逃走…我追出去，佢連影都無埋。 我打開電話見柔柔既wts app我話先送奕熹番屋企。 第二日，柔柔叫我一齊去湘庭屋企。 點知去到樓下竟然見到條契弟。 我急步行埋去。扯住佢衫領。 我︰「你黎呢到做咩？」 我問呢句既同時，留意到佢既氣場、眼神，同琴晚簡直判苦兩人。 我當然有即場問佢打人既事，但佢竟然答我「唔知」…… 事後佢地解釋藍斯洛同藍斯朗既事。