{獵奇•變態•微S} 畸戀—屍家情人: 秘戀 01.甜蜜的前奏

噗通噗通⋯
原本諗住攞爆谷，點知掂到佢指尖⋯今日係我人生特別嘅一日，第一次同男仔出街約會。佢叫呀峻，係返工嘅同事，某日佢突然WhatsApp約我出街，悶悶哋咪應約出嚟囉。

剛步出戲院，峻牽著我的手問道：「可以做我女朋友嗎？」
峻喺我哋公司可以話係數一數二嘅靚仔，青靚白淨，染咗一頭亞麻啡，平時鍾意著恤衫西褲配波鞋，望落有幾分日系。
我望著他腼腆的臉，說：「好吖！」
發覺自己都幾外協，之前暗戀令人有安全感嘅米九高佬，而家靚仔表白就馬上Say Yes，都未算深交就爽快應承咗，我諗我都係純粹未拍過拖，想感受下戀愛嘅滋味。

等候巴士期間，峻突然攬著我，我的嘴剛好對上他的嘴，他毫不猶豫地吻了我。我把舌頭伸進了他的嘴巴，再與他的舌頭互相交纏，然後他報以一個壞壞的微笑。
呢個就係我嘅初吻，唔想普普通通錫完就算，可能你哋會覺得我好主動，其實我只係唔想人生留低遺憾，初吻比咗個靚仔都算係個唔錯嘅回憶。



下車後他喝了一口葡萄適，然後遞給我，潔癖的我有點抗拒，不過還是喝下。第一次飲人哋口水尾，甜甜的，不過心裡更甜。我沒有馬上回家，到了海濱散步，我說：「峻，我減緊肥都破戒陪你飲甜嘢，有咩獎勵先？」峻說：「咁等我孭下你，睇下你有幾肥，哈哈！」第一次搭著男生的肩膊，然後他徐徐把我升起。「Yoho~」傻傻的他還背著我跑了一段路，太多第一次獻給了他。

突然下起雨來，我們跑進涼亭暫避，峻從口袋掏出一條粉紅色手繩，跟我說：「呢個係我朋友喺泰國寺廟求返嚟，保平安嘅。」說畢就牽起我的手把手繩圈上，再看著峻的左手都有一條同款不過是藍色的手繩。好開心，第一次收到男朋友的小禮物。

雨停了，峻送到我家大廈門口，他突然嚴肅地說：「不過我哋嘅事要保密，唔好話比其他同事聽，費時佢哋八卦問長問短啦。」我話：「OK~」
有拖拍當然想官宣周圍話比人聽，收收埋埋好似做人第三者咁，既然呢個係佢意願，只好接受啦。