{獵奇•變態•微S} 畸戀—屍家情人: 秘戀 02.暗湧

「嘟⋯」紙張緩緩地由Fax機吐出來，是每日營業的Briefing。
「嘟嘟⋯」電話傳來是峻的聲音。「收到Fax嗎？」我笑說：「見到有條脷伸咗出嚟。」峻忽然噤聲，大概是不知怎樣回應吧，說了句Byebye 就掛線了。
而家峻每朝返工前都會打俾我煲電話粥，一朝早聽到自己深愛嘅人嘅聲音，係件幸福嘅事。

「叮」峻傳來訊息，約我今晚見。飯後他背著我手袋一起到平台的公園促膝談心，我說：「峻呀，你有冇諗過將來係點？」峻說：「冇呀，見步行步咋。」
想當年青澀19歲嘅我，覺得拍拖嘅終點係結婚，有仔梗係要趁嫩生，然而喺峻心目中根本冇諗過結婚⋯有啲人覺得只要雙方愛大家唔結婚都得，但我好執著儀式感，就算裸婚，齋簽紙都要結。

峻繼續低頭專心他的手遊，他退出遊戲之際，我看見他裝了交友app，心想可能他忘記刪而已。峻說：「要嚟我屋企嘛？」我說：「好吖！」
咁大個人第一次去男仔屋企，心情既興奮又期待，有種拆盲盒嘅感覺。



峻住在新建的公共屋邨，寄居於舅舅籬下，他和婆婆一人一張床，各佔一角做廳長。書枱擺滿了最愛女歌手的精品和唱片，電腦還儲存了分門別類的av⋯這裡就是他開闢的小天地。

我不懂烹飪，所以峻去了煮麵。趁峻煮麵期間，我抱住好奇心嘗試撞他手機密碼，結果讓我吃驚，原來他每晚除了和我聊天外，同時和一個叫呀Mi嘅女仔傾計。峻準備把麵條端出來，我努力隱藏驚訝，馬上離開通訊軟件的版面。

峻送我到巴士站，巴士來了，他輕輕吻了我，隔著車窗跟我微笑揮手道別。我懷著忐忑的心，繼續若無其事與他說再見。突然「叮」一聲，我以為是峻發訊息給我，原來是Facebook顯示著［你有一個新交友邀請］。