{獵奇•變態•微S} 畸戀—屍家情人: 秘戀 03.再也不再見

「Hi，我認識你嗎？」我在對話匣打道。「你估下，呵呵。」對方回覆。「你係今日嚟分行探Terence個朋友？」「Bingo!我叫Fred。」話說今日我收鋪，有個男仔幫我搬開張凳吸塵，原來係佢。原本唔想同陌生人傾偈，但一諗起峻暪著我同第二個女仔傾，我就決定要以牙還牙。

「講個故仔比你聽，想唔想聽？」
「好吖！」
「我一共鍾意過三個男仔，A君係我出嚟做嘢第一個暗戀嘅男仔，佢係第一個摸我頭嘅男仔。試過公司聚會，佢飲咗少少酒，佢搭我膊頭，我哋一直曖昧落去冇發展。佢同B君係好兄弟，當佢知我同B君拍拖，佢個樣有少少失落。」
「咁B君呢？」
「係我現任男朋友，但佢背著我同第二個女仔傾偈，我一直都反思緊到底係咪我唔夠好。」
「唔係你唔夠好，只係佢花心啫，貪新忘舊係人類嘅天性。」
「咁C君係點嘅人？」
「係我喺交友app第一個識嘅男仔，曾經約過我睇戲食飯，但傾下傾下無咗下文。可以列作失蹤人口，佢唔主動搵我，我都唔會主動搵佢。」



是咁的，我同Fred就咁傾咗成晚，峻亦冇搵過我。

第一次沒有峻嘅Morning Call嘅早上，我send WhatsApp同佢講早晨，隔咗5分鐘冇回應，但佢一直在線上，我再打電話俾佢，沒人接聽。明明人喺度就係唔覆我訊息，我再打道：「做咩唔理人吖！」「滴答滴答⋯」時間一分一秒地過去，5分鐘，10分鐘，半個鐘，仍然沒人回應⋯

「叮」直至下午，峻終於回覆我。「不如今晚8點喺我屋企樓下等。」「好吖，點解你今朝唔覆我？」峻已讀後沒有再回覆。

再次來臨峻的家，到家後他一直玩電腦遊戲，沒有理會我。我再趁他煮麵期間偷看他的電話，發現原來佢同呀Mi聊了一整夜，我拉開鐵閘奪門而出，自己獨個搭𨋢離開。

峻趕到巴士站，問：「點解粒聲唔出自己走咗去？」我說：「我哋分手啦！」峻：「咁好啦。」


原本我以為峻至少會挽留，沒諗過佢咁爽快⋯唔通佢對我真係只係玩玩吓？
巴士來到，峻跟我說再見，但我頭也不回沒回應他，因為，再見先需講再見。

如釋重負地登上巴士，望住峻的背影徐徐步向屋邨，想起吳雨霏的《吳哥窟》：
「原諒你太理性與我在一起要守秘密
原諒我太野性想這段情更深刻
兩個人 一消失 謠言便得不到證實
只得幽暗的晚空記得」

此時Fred傳訊息給我，說：「可以做你D君嗎？」