我次次拍拖都拍唔長，因為我……: 阿希篇
死變態大叔
成日借啲易裝我沖涼，又話接受唔到基，口裏說不身體卻很誠實話說沖完涼冇耐，家姐wtsapp 我，同我講屋企嘅事已經解決咗，佢請咗師傅搞掂晒，仲話扔晒屋企啲舊衫，叫我早啲番屋企，唔好再同個變態大叔一齊住，我覆咗佢話「我仲有啲嘢要做，可能要過多一星期先番嚟」家姐話「你個死仆街仔，嘥鳩我三千蚊搞完法事之後又唔番嚟住，真係畀你吹脹
你啊，做果啲嘢記住戴套啊一睇就知個大叔雞蟲嚟，都唔知有冇暗病」我覆「
你會唔會諗多咗，我話嘅有嘢做，係做正經嘢，唔係扑嘢啊屌你」次次同親家姐講嘢都好燥底不過講起正經嘢，我聽日的確有樣正經嘢要處理，就係要探阿謙，其實我心情都好複雜，中學畢業後我都冇聯絡佢一排，聽人講佢入咗大學，其實都唔意外，阿謙本身讀書都好叻，雖然我冇同佢聯絡，但間中都有睇吓啲舊同學嘅FB，睇吓佢哋生活過成點，佢早排都係FB講過自己有肝癌，但冇諗過佢會咁嚴重
我見阿儀係廳到睇緊電視，我問「阿儀，你聽日可唔可以陪我一齊去醫院探阿謙啊？
聽人講醫院好多鬼，我有啲淆底，唔敢一個人去.....大叔又一定唔會陪我去」阿儀話「好啊，冇所謂反正我都冇嘢做，不過其實你都唔洗咁驚喇，我都係鬼，你都冇驚我，你習慣吓就唔驚㗎喇」話就咁話，但宜家最大問題係我唔識分邊啲係人邊啲鬼，唉，睇嚟我都仲係要啲時間適應下