是咁的,我喺補習社見到個靚女: 4

唉，頭嗰幾篇都喺度介紹女神

俾個機會我介紹吓自己先

我平時鍾意踢波 仲要係幾好嗰隻

自己嘅位置就係中埸

第二日起身





「今日唔使補習，等我快啲同fifa展開激情對

話，雖然下晝要練波」我心諗

「等我啲DC阿健先」

「喂咩事呀」阿健不耐煩咁講

「兄台做咩事咁燥」我同佢講





「熱刺啲熱身賽輸晒，今季玩完了」佢講

「唔好理啦 快啲開機啦」我同佢講

如是者 我哋打咗成個下晝嘅FIFA

「話時話今日教練好似話 會有女子隊同我哋打友誼賽」阿正同我講

「係咩 等我哋今日大炒佢哋 然後再溝晒佢哋」我講





「係先好 等陣俾啲女扭爆你」阿健喺度笑我

過咗一陣之後 同阿健講咗再見

就執嘢準備練波

「um…今日着咩boot好呢」我心諗

正所謂屎波裝備多

我自己係有好多對足球鞋

突然喺角落頭見到對舊嘅 phantom venom

「今日就用你啦」我對住對波鞋講





一上到巴士之後

我打開部電話

一路碌IG一路聽歌

願永不分散　

祈求路軌當中

永沒有終站 woo-oh

盼永不分散　





仍然幻想一天我是妳終站

妳輕倚我臂彎

Beyond d歌 真係好撚正

聽聽下歌

㗎巴士又到啦

當我一入到球場嘅時候

「仆街，遲到添」原來我記錯咗練波時間

遲咗半個鐘頭





我快快手換咗鞋

跑左三個圈(教練話每遲到10分鐘跑一個圈）

做埋啲warm up

就跑埋去人哋圍圈嗰度

我一行埋去嘅時候

我竟然見到Kristy

一個扎住馬尾





件波衫寫住7號

我夢想中嘅女神

佢對我微笑 應該係見到我

「屌你，你塊面紅過馬撚喎」阿健笑住咁大叫

所有隊友即刻喺度笑 我塊面就仲紅

「安靜」教練喺度大嗌

我哋通常叫教練做摩連奴

因為佢淨係識打防守足球

同時亦都係因為呢個原因

基本上呢幾個賽季嘅冠軍都係俾我哋包晒

都幾好嘅

係悶咗小小姐

「男同女包揼分組 六個男同六個女一隊」教練講

好彩地

我同阿健同Kristy 都係同一隊

「分隊 上下半場半個鐘 有一個換人 快啲搞掂就開波」教練喺度大叫

我哋打442

我同kristy一齊打中場

諗諗都興奮

打到一半嘅時候

我扭過左一個人

一下長傳送上前場

阿健心口控波

好似雲佩斯咁一嘢抽入去

網頂入波

果然 默契依家野係好重要

其實成場波都冇乜特別嘢

始終都係估唔到第一次同Kristy打波

個默契已經會咁好

果然我同女神係好有緣份