是咁的,我喺補習社見到個靚女: 5

相信冇乜人對練波有興趣

所以就快進時間啦

練完波之後

「不如我哋一陣去食飯啊」Kristy同我講

「當然好啊」我嘗試抑制我內心嘅興奮講出嚟





「咁喺更衣室門口等啦」佢同我講完之後就走咗

「屌你做乜喺度淫笑」阿健問我

「唔關你事」我同佢講

「屌 冇禮貌」佢串我

換完衫沖埋涼 就見到打扮好嘅Kristy





濕濕地嘅頭髮

伴帶着佢嘅洗頭水嘅味

真係好香嘅啫

FBI:open the door

….





順帶一提 佢便服嗰個樣仲靚過着校服嘅樣

「可惜唔同學校啦」我心諗

「想食乜啊」我問佢

「我冇所謂啊，睇你」佢笑住咁同我講

仆街 又係啲生死問題

啱啱打完波應該唔會好肚餓嘅

「我知呢度附近新開左間意粉 不如試吓」我試探性咁問佢

「都好呀 快啲行 好肚餓」佢講完之後就拖住我行





仆街 呢個觸感 人生14年 第一次比老母以外嘅女仔拖

好有彈性啊

Kristy隻手真係好白同埋好滑

如果可以揀

我選擇一世都唔放開

話咁快我哋已經出到彌敦道

我哋兩個並肩而行





係外人嘅角度望落去

我哋就好似一對熱戀中嘅情侶

我都好想係

當我哋沉默左幾分鐘之後

「係呢點解你會踢波嘅」我嘗試打開話題

「er…因為我覺得打波嘅女仔好型」佢同我講

講完之後

又dead air了





話咁快我哋已經去到間餐廳

我叫咗個蘑菇意粉

女神就叫咗個肉醬意粉

咁係等嘢食嘅期間

我再一次嘗試尷尬咁打開話題

「係呢 之前好似未攞你IG 不如互相follow下」

我鼓起勇氣咁問佢





「其實我唔用IG 㗎」

佢講完嘅一刻我呆咗喺度

（不過後來嘅我知道 因為某啲原因 佢係用唔到IG 㗎，後面劇情會講）

「不過我有電話，不過今日冇帶」佢同我講

「好啊咁可唔可以比你個電話我啊」我問佢

「當然可以啦 你記低 9xxx 5xxx」佢同我講

yes 抄到女神牌

咁啲嘢嚟咗之後 我哋好快就食完左

因為真係好肚餓

「不如我送你返屋企呀」我問佢

「er..我自己可以啦 都夜啦 你返屋企啦」好尷尬咁同我講

「好啦 小心安全啊」我同佢講咗之後就走咗

夜晚10點嘅彌敦道

伴隨着一股股嘅冷風

我人生中第一次體驗左食檸檬嘅感覺

唉

真係慘

剩低嘅暑假

我基本上都離唔開補習同埋打機

有陣時補完習會同Kelly 出去食飯

不過奇怪嘅係

每次問Kristy咁一齊去食飯嘅時候

佢都婉拒左我哋

呢個不禁令我更加好奇

Kristy呢個神秘嘅女仔

究竟後面收埋咗啲咩秘密