[愛情] [校園] [足球] 我鐘意你　但係我唔可以同你一齊: 2.

「係中一嘅時候，平時開學第一日班朋友都好鐘意係班房度撩下啲新同學，今年都冇分別啦，都叫幾玩得嘅我就戇戇鳩鳩咁跟埋啲朋友去認識下啲新同學。

小息嘅時候我地就好似平時咁識下新同學，小息完左之後，我地就上分班嘅堂，姐係我地要去其他課室上個啲。

其中一個friend係轉課室嘅時候係自己班房跌左個筆袋，突然佢就用手指住筆袋個方向同我地班男仔講 : 「拿，我叫個個女仔幫手執番個筆袋，睇下佢會唔會理我先！」

於是條友個樣就好友善咁同個女仔講：「Hello，你係咪叫黃曉瑩啊？可唔可以幫我攞返個筆袋？」  

條女就用一個好串嘅眼神望住佢然後講左句：「頂你個肺」

個男仔聽到佢咁講之後個樣即刻驚到仆街，然後行得勁快咁自己攞返個筆袋。

「抵啦傻仔！成日撩女仔，今次仲唔係報應？」佢一番黎我地成班人笑到仆街

之後大家都去左唔同班房上堂，我個時就留係自己班房上，個個黃曉瑩都好似冇點郁過咁，我估佢都係同我一班 。

由於今日都係第一日，所以都冇乜野做。一講完個good morning之後我就坐番係自己個位係度諗番啱啱小息發生左咩事。

「點解條女咁串嘅？明明我地都已經好友善㗎啦，使唔使講哂粗口咁啊。」我自己係到諗



突然個老師企左起身，就話　：「我地不如特別係呢堂調個位，等大家可以認識下唔同班嘅同學嘛！」

我心諗仆街啦，我由小學開始已經係坐最前嘅常客，原因係因為我又矮又曳，搞到啲老師都冇乜理由放我去最後排。

咁好明顯啦，我即刻就聽到老師講左句：「馬子朗，你坐最前！」，其實都估到一大半，不過我都想睇下呢個世界有冇奇跡，好可惜都係冇。

不過我印象中呢個串過馬撚嘅黃曉瑩小姐比人調左係我後面，我都唔知我係開心定唔開心好，但係我已經feel到每次傳野去後面，佢都好似串串貢咁望住我

我都唔知比乜反應佢，傻笑下就算數。



"Good bye miss" 我再發左陣呆就落堂，都係講埋啲垃圾野。因為第一日放半日，上埋呢堂就放左學，最後我地一句野都係冇講過，主要原因係因為我見佢咁串都唔係好敢搵佢講野。

咁落左堂我就搵埋自己班嘅同學去左食飯，順便講下今日番學有冇邊個女仔唔同左咁。

男人都係講呢啲㗎啦唔係有乜講啊大佬。

其中一個叫Paco,姐係今日比人串個個，就攞左呢單野出黎講。「今日明明都好順利，點知比呢條女搞到冇哂信心識人」佢有少少失望咁講。

「我今日分班上個陣咪同佢同一個課室嘅，佢坐左係我係我後面啊。我啱啱傳野嘅時候佢個眼神都係串串貢咁」 我即刻講番出黎

「咁睇黎呢條友都幾難搞，都係唔好惹佢算啦」Paco講

最後我地真係成年都冇乜點講過野，除非真係好緊要嘅野，咁有時我唔記得左寫日期問下佢佢都會肯答嘅。

懷疑我成年同佢講得最多嘅野就係　" 今日幾多號啊？＂。。。