[愛情] [校園] [足球] 我鐘意你　但係我唔可以同你一齊: 4.

之後嘅生活都係練波，打機，得閒就約下班friend出下街唱下k咁。

其實下年個班嘅人都冇乜特別，只係我仲有小小介意黃曉瑩呢個人同我一班。

因為真係好少人會搞到我有啲不爽，同埋我明明乜都冇做過，點解佢會啤住我成年先。

仲有呢年個班主任都係未聽過同埋未見過，所以見到個名似女黎都幾期待。

時間去到中三開學嘅第一日



8:00am 啊婆：「你係邊」 WhatsApp 突然彈左個message 出黎

8:01am 「轉個彎到」，我覆番佢

我學校每日都係八點二要禮堂集合，不過我每次都係答最尾㗎車，再跑番學校。

為嘅係可以比我係張床度訓多一陣，即使係5分鐘都好，我都要留係度訓，就係咁撚懶。

同埋懷疑我短跑都係咁練番黎，每日都做少少運動，其實咪幾好。



去到8:03分終於係地鐵站跑出黎，仲有7分鐘，呢度去學校嘅路程其實起碼要10分鐘。

可惜對於已經訓練左兩年嘅我，呢啲野已經易如反掌，啊婆仲買埋個包比我一路跑一路食。

呢幾年都係我同佢咁跑法，有時我等佢有時佢等我，但係我地都極少遲。

今日第一日番學，所以唔使上禮堂住，入左班房先。

但係亦都係因為我咁撚遲番到去嘅關係，入到去班房已經淨番前面一兩個位比我揀。



咁我就是是但但坐左最近門口嘅位，一望到個Miss，嘩。

一隻字講哂：靚撚到仆街

佢叫Miss Lau，個樣成個mix咁，又眼大大，鼻高高，我估佢都係得20歲頭至20歲中咁。

「Hey ,Long? Are you listening ?」 Miss Lau同我講左好多次我都冇反應

直到後面有條友提我：「喂，Miss叫你」 

我先至有反應企左起身：「Good morning Miss Lau, Sorry I was a bit late. 」 

之後佢就冇理我，繼續講緊班啲野。

「岩岩後面個個女仔提左我，係咪應該去講番聲唔該晒呢？」坐番低我自己係度諗



見係女，講聲唔該晒都好嘅。

於是我就擰轉身，諗住有啲型咁Chok個頭埋去，諗住可以遼下佢傾計都好啊。

一轉身望住呢個女仔，我完全講唔出野，應該係話，係個一刻，我好想搵窿捐。