當我想調番住個頭扮咩事都冇發生過嘅時候已經太遲了,因為我後面呢一個人,正正就係黃曉瑩。

佢已經有啲想笑我,我都係講埋先另番個頭啦。

我好尷尬同佢講「唔....唔...唔該哂你岩岩提提我....」

「哈哈哈哈哈!」佢聽完我講仲笑埋出聲....

「​笑乜鬼啊,岩岩訓醒係咁㗎啦。」我都開始比佢啲笑聲搞到唔係好尷



之後我就另番轉個頭聽下個老師講野咁,平時嘅我係一定唔撚會聽,但係今年個班主任咁靚女,聽下都無妨嘅。

個老師大部分都係講英文,佢話因為係教英文先會長期講,但係我就覺得冇咩所謂啦,反正又唔係聽唔明。

聽左一陣我就望左過去其他男仔到,個個都留心到實一實。嘩使唔使啊,坐最前個個男仔係度用埋啲垃圾英文問問題

「Hi Miss, I want toliet please?」其中一個男同學咁講

講真我真係笑撚到仆街,點解呢條友英文水平去到咁都升到班。但係諗諗下,睇黎佢今年都幾好待遇,分分鐘Miss Lau同佢私補添啊,搞到我有啲妒忌。



跟住都係講下班務啊班際個啲,同埋有啲通告傳下咁,每次我一傳去後面比黃曉瑩嘅時候,佢都好似係度忍緊笑咁望住我。

個感覺同中一嘅時候完全唔同,雖然佢心入面都應該係串緊我。

班主任講多左陣野,就已經小息

我平時小息就鐘意落小食部買支野飲再上番黎吹水嘅,落到去排左陣隊先有得買。

我同阿婆一齊排緊,差唔多到我地嘅時候我見到黃曉瑩係側面周圍望,好似想搵人咁



我同佢對視左一眼之後,佢就慢慢行過黎,眼神有啲閃縮。

「喂,馬子朗,可...可唔...可唔可以幫我買包朱古力奶?」佢有啲尷尷尬咁問我

我串串貢咁答佢「唔得喎,自己排隊啦,但係小息就快完㗎啦,lunch time再黎過啦!」

佢好似有啲失望咁,啤住我,「哼!」左一聲就走左番上去課室。

唔知點解,我覺得呢一下超有快感。但係,同時我都覺得自己好似有啲衰。

話咁快就到左我地買野,啊婆已經光速買完支野飲係度等我。我就係度諗緊自己飲咩之如,諗得更多嘅係,我幫唔幫黃曉瑩買朱古力奶好。

「唉,買定唔買好呢?買左又好似我屈服咁,唔買又好似好衰咁」我心入面嘅內心戲出哂黎





「啊姨 唔該比多包朱古力奶我吖!」


 
已有 0 人追稿