第二日,唔知係咪尋晚太遲先訓嘅關係,鬧鐘都叫唔醒我,我一野就訓到九點鐘。

起身,已經知道,大叫左句 "仆街啦!"

見到手機啊婆都傳左訊息 :「行先,遲到撚」

雖然我口講就仆街,但其實呢個都己經係我慣例之一,知道己經遲左嘅自己,就一定唔係九秒九跑番學校

還掂都係遲到,倒不如嘆番個早餐,食飽肚先有力番學㗎嘛,九點又係遲,十一點又係遲



咁點解我唔嘆多陣先番去呢個地獄到呢

去到我平時樓下食嘅茶餐廳,認得我嘅伙記已經行左過黎

「啊仔,照舊B餐?」啊叔伙記問

「係啊,凍奶茶」我答

「今日咁早放學嘅?」佢見我著住校服



「唔係啊,訓唔撚醒,依家食埋先去番學」我碌住手機答佢

「想當年啊叔我啊,番學呢家野,都係攞黎溝女㗎咋。最後出到黎都唔會用到個學位嘅,咪當做拎下經驗,最緊要就係開心,遲到有乜所謂,啊叔撐你!」佢講都未講完就攞住碗沙嗲牛麵過黎。

沙嗲牛麵真係好撚好食,如果世界上得番一種野食比我揀,我一定會揀沙嗲牛麵。

食完之後就番左去學校,番到個時都已經十點半,岩岩好第一個小息。

係校務處整埋啲手續就行番上課室放番個書包,坐到去自己個位就見到坐我後面嘅黃曉瑩趴左係度訓教



本身諗住同佢傾下計睇下佢有冇好啲,但望住佢訓得好甜,都唔敢叫醒佢。

小息完左之後就繼續上堂,老師都發現左我番左黎,問左兩句就教書。

可能食飽左,又未訓得著,所以我上堂都冇點訓過,坐左係度發呆。

突然背脊感覺到有人拍緊我,我另轉個頭。係黃曉瑩,佢好似岩岩起身想叫我

「嗯?」我問

「有冇紙巾」佢手遮住左啲野然後問

「有 等我一陣,用黎做咩啊」我係書包入面攞左包紙巾比佢

「唔該哂」佢微笑住同我講



正當我想另番轉頭嘅時候,見到佢抹緊枱上面嘅水漬,原來佢訓得太淰,口水都留埋

「哈哈哈!好好訓喎小姐,口水都留埋」我忍住笑遮住自己個嘴同佢講

佢勁怕羞眼神轉移「咩喎,尋日咁晏先訓,好正常姐」

「你尋日講嘅野係真㗎嘛?」我好驚佢其實係亂咁講,所以想確認多一次

「係啊,今晚9點半」佢好冷靜咁答

「好啊,你飲唔飲酒架今晚?」我問

「再算」佢答



之後我都另番轉個頭上堂,繼續發我嘅呆。

「放飯啦終於!」

講呢句野嘅唔係我,而係同我一齊行緊去買飯嘅啊賢,同行嘅仲有啊婆,啊行啊羊佢地。

「收到料今日冇功課,係咪可以齊人打機先?」啊羊問

「可以!!好耐冇齊人pro club啦喎」啊行講

Pro club係一隻叫做FIFA嘅足球遊戲其中一個模式,每個人都淨係控住一個球員,從而多人打出配合,通常都係多人先會玩得開心嘅模式。

啊婆即刻問「今晚係咪齊人先​」

其他人都豎起拇指 大聲咁講:​「得啊!!」「掂!」



仆街,今晚我約左人喎,點同佢地講好呢,

我慢慢咁舉起左隻手,然後講... 「各位兄弟.....我.....我呢.....今晚唔得閒....」

「下???你喎?朗哥你明明應該係夜晚最撚得閒打機嗰個黎㗎。」啊賢呢個時候即刻企左係我面前,唔比我繼續行前,似乎係想問個清楚。

「咁大佬啊,約左人都冇計㗎」我想避開佢繼續行前

「約左邊個先?!」全部人同一時間問呢個問題
已有 0 人追稿