[愛情] [校園] [足球] 我鐘意你　但係我唔可以同你一齊: 10.

拎到佢ig之後，完小息嘅鐘聲又響起。

大家都各有各返埋位，其他班嘅同學都去番自己嘅班房。

上堂嘅時候，唔知係咪特別有成功感，我好似個小朋友咁樣傻笑左成堂，明明之前拎其他人嘅ig都好似冇咁開心，呢一種感覺好特別，好唔同。

不過對佢黎講就好似好正常咁，好似冇乜反應。

放左學我就番左屋企打機，一如以往地打到天黑



大概淩晨一點到我先肯死上床訓，訓前碌左陣電話

見到黃曉瑩嘅ig動態，就即刻禁左落去睇

一張純黑色嘅相，內寫住「我的開心去了那。」

我見到嘅時候，內心不停跳不停跳，好想打字問佢關心一下佢，打到中間嘅時候我又Delete番

「我又唔係佢邊個，只係佢嘅同學，鄰座，佢會唔會覺得我多事」我自己同自己咁講



但係內心又真係好想好想了解佢，想關心佢，知道點解佢唔開心，我希望可以帶比佢快樂

係我心入面嘅魔鬼同天使打鬥完一輪之後，我決定左

由慢慢開始傾下計先，睇下佢會唔會抗拒。

「你點啊？估唔估到我係邊個呢？」我第一次ig同佢嘅對話就係咁

我一直睇住小說，睇下佢會唔會覆，畢竟都一點了。一個鐘後，「點啊馬同學，仲做緊賊？」



「又比你發現左，好彩你唔知我係邊姐，一陣報串我咪冇錢食飯？​」

「咁夜都未訓嘅，做緊咩吖​」我再問

佢即刻覆左「冇啊，諗緊啲野囉，好快就訓了」

「你唔開心嗎？」我好似有啲直接

「你住得近唔近學校？」佢突然轉左話題咁問我

「都近啊，做咩咁問​？」

「​聽晚9.30 xxx商場大方糖糖水鋪等好唔好？到時我就會解答你嘅問題。」佢回

「​哦，好啊，咁聽日見啦，早啲休息啦！」我答



「​嗯，你都係」佢答完我就落左線

我熄左電話之後就係床上諗，第一時間唔係諗緊呢個係我同佢嘅第一次單獨見面

而係好想知我可以點樣開解佢，好想佢開心

我究竟都係度諗緊啲咩呢.....

我對佢又係咩感覺呢，平時同其他異性見面都唔會諗呢啲事情，反而黃曉瑩呢一種比較神秘嘅感覺好吸引住我嘅好奇心，好想真係了解佢內心咁。