《相隔100年嘅愛情故事》《1874》: 第一章

我叫金擇明，老豆話想我做嗰好人，要選擇光明。

我係1974年出世，今年26歲(故事時間線為2000年)

唉!做咗咁耐人都重係A0 真失敗。

我係一個普通打工仔，日做夜做都唔知為乜，不過香港地，又邊個唔係，香港人嘅命運就係咁。

我無乜朋友，得兩個best frd，一個叫Andrew，一個叫Jared，佢地兩個都識咗我好耐，由細玩到大。屌！唔講住，唔記得咗約咗佢地落bar飲嘢tim!






我啦啦臨沖咗嗰涼就去咗揾佢地。

佢地兩個都有女朋友，仲成日放閃光彈，真係頂佢地唔順。一見到佢地Andrew就即刻串鳩我：「阿金，乜你仲未出pool嫁。」Jared又話：「咪係囉，好快啲揾嗰伴啦！」我話：「你兩條友仔，串少我一次使死呀！」之後我地就一齊飲酒，飲到三更半夜，Jared仲要醉到成隻病貓咁，要我同Andrew送佢返屋企。之後，Andrew就去咗搭巴士，我就要搭地鐵，係地鐵站我聽到有嗰女人係到唱人來人往，好好聽。返到屋企因為飲得太多酒就直接訓著咗。


訓訓下我聽到有人話：「金仔，金仔，你記唔記得我啊？」但係我又打唔開隻眼喎。


第二朝起身，心諗：「發夢啫，無嘢嘅。」但係其實驚到仆街。跟住睇下嗰鐘，仆街！8:30，我9點要返到公司，遲到！






我用九秒九嘅速度換好衫，刷埋牙，衝落去巴士站。睇下隻錶，仆街！8:42，搭巴士一定遲！


正當我諗緊點樣作籍口遲到嘅時候，有嗰揸緊車嘅女人問我係咪x房網(我間公司)嘅人，我話係。之後佢就叫我上車，我認得佢係琴日唱人來人往嘅嗰個人，點解佢會識我？我睇到佢個樣，佢唔係一般嘅靚女，佢已經係女神級嘅女神。我問佢:「乜你識我咩，點解你要車我返工。」佢話:「見到有同事就遲到，點都要幫下啦。」


返到公司，我個同事阿田就話:「喂呀！點解你可以同女神上司一齊返嚟嫁，佢今日先掉過嚟嫁喎？」我答佢:「你恨唔到咁多嫁啦」






原來佢係係我嘅上司，唔掛之得佢識，不過我呢啲毒撚都係唔好幻想咁多啦，人地又係我上司，揾錢又多過我，佢又係女神，我都恨唔到嫁啦。


扮工咗9個鐘頭，終於放工啦！搭地鐵返到屋企之後，居然係屋企見到一個無著衫嘅女人...