《相隔100年嘅愛情故事》《1874》: 第二章

我走埋去望咗一眼，原來佢暈低咗，我即刻走過去，用隻手摸咗佢額頭，熱到仆街。我即刻去雪櫃擺咗一張退熱貼同佢癡上去佢額頭到。呢嗰時候我先發覺佢係無著衫，我即刻去揾衫被佢著。但係，屌，點揾啊，我一個男人住係到，揾乜春比佢著啊。


我打開個衣櫃，揾啊揾，揾啊揾。終於揾到件campion同條adidas嘅褲，對我嚟講就細咗啲，不過對佢就一定啱。


幫佢著完之後我先留意到佢個樣，佢真係好靚女，仲靚過我嗰新上司，同簡淑兒有三分似，望落得154cm，真係好鬼cute。但係我實在太眼訓，望多兩眼就訓著。


訓訓下無啦啦聽到有人大叫，我心諗:「屌，唔係又發埋啲咁嘅夢啊嘛。」但係我開到眼喎，開眼之後見到嗰個女人係到用我殺咗佢老豆嘅眼神望住我。佢話:「你係邊個啊，呢度係邊度啊，我啲屋企人呢？！」我話:「小姐你冷靜啲啦，你係我屋企，我叫金擇明，你叫咩名啊？」佢終於冷靜返小小，佢話:「我...我叫張雨婷，今年26歲。」我襯佢冷靜返小小就即刻話:「我都係26歲，1974年出世喎。」佢話:「咩1974，我係1874年出世喎」我笑住話:「哈，唔好講笑啦，今年2000年喎。」佢話:「今年1900年喎。」呢嗰時候我先諗返起，佢係無啦啦係我間房出現嘅喎。我問佢:「你記唔記得你係點過嚟嫁。」佢話:「我係屋企訓覺，訓醒就係度囉」我心諗:「你唔好話你係耶穌見我仲係A0送比我嘅禮物」我一開始都唔信佢，但係我開始問關於佢嘅事我就信佢。






佢話:「我係一個係1874出世嘅女人，我地嗰個時代嘅人好窮，窮到連飯都好難夠錢食。我同我父母同兩個家姐同個妹就一齊住係太平山下面，又多老鼠，又污糟。嗰陣時仲有鼠疫，啲英國人就住喺山頂。」我讀書嘅時候雖然成日訓覺，但係呢啲我起碼都記得，但係都唔可以證明佢無講大話。跟住，佢又話:「我嗰陣時好辛苦，今日唔知聽日事，聽日會唔會死」之後，我用咗一個好on9嘅方法測試佢係咪1900年嘅人。


我拎起部電話，開咗條片比佢睇，係條我前日返屋企，見到一隻好得意嘅狗仔嘅片。佢好驚奇咁話:「咩嚟嫁!你憑空整咗隻狗仔出嚟!?」我真係笑到仆街