《相隔100年嘅愛情故事》《1874》: 第六章

第二日係星期日，仲有一個月係聖誕節，不過對於毒撚嚟講有同無都無分別。


咁難得星期日，我梗係想開住Netfix有朝睇到晚，不過無辦法，鬼叫我屋企無啦啦多咗個人。


「嘭嘭嘭，嘭嘭嘭」我心諗「晨早流流，邊個嚟搵我呀。」我走咗去用防盗鏡睇咗下。仆街！係我阿媽同阿妹，死啦，如果比佢見到雨婷咪仆街仆到落南極！點算啊，點算啊，點算啊，點算啊！


好死唔死，雨婷咁啱起身「早晨呀，阿金，今日食咩呀～。」「阿仔呀，點解有女人聲嘅？你女朋友呀？」「阿哥你終於出pool啦？可喜可賀呀！」




我對住雨婷做sh嘅動作，示意佢返入我房。佢都好識做，即刻返咗入房。


跟住我開咗門「阿仔，頭先把女人聲係邊個嚟㗎？」「你聽錯啫，頭先我同人講電話呀。」「阿哥~係真唔係呀。」「依？仔呀，點解你拎咗你個睡袋出嚟呀？」「頭先執嘢啫。」阿妹又問「阿哥，點解你會有兩枝牙刷嘅？」「唔小心買多咗一枝啫。」「仔呀，我想入你間房睇下啊。」我用9秒9嘅速度衝咗去間房前面「阿媽唔入得去呀。」「點解呀」「因為...」「因為咩呀？」「因為...因為我頭先，夢遺呀！」「啊！完來係咁呀，咁我地走先啦，之後先搵你飲茶啦。」


佢地終於走咗啦！




佢地走咗之後，我同雨婷就開始諗做咩。好死唔死個電視播緊自助餐嘅廣告，佢啲口水流到可以浸死人。佢話:「可唔可以去呀？」「唔得！」「點解呀，我想去呀我想去呀。」「哪有錢。」「求下你啦，求下你啦。」佢用佢對水汪汪嘅眼望住我，我相信有99％嘅男人都唔會頂到。我話:「只此一次，下不違例！」佢開心到好似一個小朋友咁。


去到個餐廳門口，我問個waiter:「我可唔可以當小朋友呀？」「你係咪癡鳩線㗎，無錢就唔好學人食自助餐啦，仆街！」我即刻話:「邊個話我無錢，兩個大人呀！」


入到去之後我就教雨婷點樣拎嘢食。佢心急到好似十年都無食過嘢咁出去拎嘢食。癡孖筋，佢一次過拎咗四碟嘢返嚟，仲係全部都係滿，搞到人地都望住我地張枱，勁唔好意思。




食完之後，佢居然話:「好好食呀！下次再嚟過呀！」我心諗:「得。如果我發咗達，日日請你食又點話啫。」不過見佢咁開心，都扺啦，唯有咁安慰自己啦，唉！


之後我就收到msg，係Andrew「你條仆街仔，上次甩底，今晚再唔嚟就同你絕交，12點，老地方見。」


我睇下隻表，差唔多五點，仲好早，我見我地好近摩天輪，我地就行咗去摩天輪到。


五點半，啱啱好，可以睇到黃昏。個買飛嘅人問我要幾張飛定包廂，梗係包廂啦！


我地上咗之後，雨婷話:「會唔會好高㗎，我好驚呀！」「唔使驚」我開咗部電話播咗幸福摩天輪比佢聽





追追趕趕　高高低低 

深呼吸然後與你執手相隨

甜蜜中不再畏高 

可這樣跟你蕩來蕩去

無畏無懼

 天荒地老流連在摩天輪

 在高處凝望世界流動 



失落之處仍然會笑著哭 人間的跌盪

　默默迎送 當生命似流連在摩天輪 

幸福處隨時吻到星空 

驚慄之處仍能與你互擁 

彷彿遊戲之中　忘掉輕重 

追追趕趕　高高低低

 驚險的程度叫畏高者昏迷 

憑甚麼不怕跌低 多僥倖跟你共同面對　



時間流逝 東歪西倒　忽高忽低 

心驚與膽戰去建立這親厚關係

 沿途就算意外脫軌 多得你 陪我搖曳 

天荒地老流連在摩天輪 

在高處凝望世界流動 

失落之處仍然會笑著哭

 人間的跌盪　默默迎送 



當生命似流連在摩天輪 

幸福處隨時吻到星空 

驚慄之處仍能與你互擁 

彷彿遊戲之中　忘掉輕重 

天荒地老流連在摩天輪 

在高處凝望世界流動 

失落之處仍然會笑著哭

 人間的跌盪　默默迎送

 當生命似流連在摩天輪

 幸福處隨時吻到星空

 驚慄之處仍能與你互擁 

彷彿遊戲之中　忘掉輕重


佢聽完之後心情平復返啲，我同佢一齊望出去出面嘅黃昏，靚到好似個鹹蛋黃咁，我望下佢，佢眼仔碌碌咁望住個鹹蛋黃，好cute。


之後我地返咗屋企之後，先9點鐘，但係雨婷佢可能太攰，沖完涼就直接訓咗，我都去咗訓一陣，等到搵Andrew。