《相隔100年嘅愛情故事》《1874》: 第七章

12點


我終於去到bar到，見到Andrew同醉咗嘅Jared喺度等。「喂，阿Drew，乜Jared都喺度咩？」「捨得去嚟啦咩！Jared失戀喎。」「失乜春嘢戀呀，兩個月失一次，佢咪話自覺心境已有如明鏡㗎咩，今次又係邊個天降嘅稀客呀。」


「點解！點解Sandy要離開我呀！」Jared大叫。我話:「屌你，好柒呀，細聲啲，邊個嚟㗎。」佢拎咗部電話比我地睇，我同Andrew即刻開咗msg睇。


Sandy:今晚同我食飯呀






我:好呀


Sandy:琴日我見到隻公仔好靚呀，買比我呀。


我:好呀






Sandy:我前日見到隻表好靚呀，你買比我呀。


我:吓...呢排手頭有啲緊喎。


Sandy:分手啦。






我:點解呀？


Sandy:窮撚！


跟住我地見到佢已經block咗Jared。


我話:「bro，唔緊要啦，下次搵嗰個。」「每段戀愛都會認錯人 失戀的冠軍 怎會再有別個這樣幸運!」Jared想勁大聲咁唱失戀王，我同Andrew即刻撳住佢嗰口。Andrew話:「你想唱我地一齊唱K！」「係囉，你返屋企先。」跟住我同Andrew就夾手夾腳一齊搬咗佢返屋企。


之後我就諗住自己聽住Air pods搭巴士返屋企，搭緊嘅時候無啦啦有人同我講:「咁啱嘅？」我睇下，原來係阿belle。「無，啱啱送完個朋友返屋企啫。」「我啱啱係朋友屋企食完飯。」「你聽緊咩呀？」我比咗一邊耳仔嘅air pods比佢聽。






「咦？失憶蝴蝶喎，睇嚟你真係好鐘意陳奕迅。」「係呀，由細聽到大。」「我都係呀，你最鐘意邊首呀」「粵語殘片呀，你呢？」「我好鐘意人來人往呀.......」


就係咁樣，我地傾陳奕迅傾到落車。跟住我地就各自返咗屋企。


返到屋企嘅時候，聞到一陣好熟悉嘅味道，係出前一丁呀，我居然見到檯上面有碗出前一丁。「阿金，你返嚟啦，我太肚餓啦，我跟住個包裝上面煮㗎，唔好食唔好見怪呀。」我食咗一啖，「雖然係腍咗啲，不過第一次煮已經好好啦」佢聽到之後開心到好似個小朋友咁好得意。跳下跳下咁跳咗去廁所沖涼。跟住我見到有個唔識嘅號碼msg我「我係阿belle呀。原來你都咁鐘意陳奕迅，跟住個禮拜日不如一齊唱K呀。」原來係阿belle，我覆佢「好呀」跟住再set返佢個名。