《相隔100年嘅愛情故事》《1874》: 第九章

「阿金，你終於返嚟啦！」一返到屋企就見到雨婷喺梳化度衝出嚟問我。「係呀，今晚你想去邊呀？」佢好興奮咁話:「去bar！」「bar？你知咩係bar咩？」「唔知，不過好似好好玩咁。」

點算好，我唔想教壞佢喎，點算呀？「點呀，去唔去得啦，阿金呀。」佢係度爹我，點算好呀。「好啦，好啦，不過只此一次。」


而家先7點，去bar應該無乜人掛。我地去咗我平時同Jared同Andrew去嗰間。真係好少人。


我地搵咗個位嚟坐，佢就問:「呢度係做咩㗎，咁暗嘅？」「飲酒。」「吓，飲酒。」佢塊面紅晒咁話。






「係呀，不過我會揀啲你飲到㗎。」「好呀！」


我揀咗玫瑰氣泡酒比佢，得十二度，又好容易入口，佢應該飲到。


一個鐘頭後






「阿金，我地繼續飲啦，飲呀。」佢係bar度轉圈咁話。無錯，佢醉咗，飲起泡酒都可以醉嘅人。


我好辛苦咁的咗佢返屋企，真係囉命。


跟住我又見到有人msg我，係阿belle「今晚一唔一齊出嚟飲返杯呀」係喎，我頭先去根本都無飲過，淨係睇住雨婷飲，「好呀，我send個location比你。」


喺bar度






「喂，阿金」「hi阿belle，晏晝唱完k又飲酒」「唔得咩？」「得，入去啦。」


飲到去之後我問佢「你飲咩呀？」「er...Long Island Iced Tea啦？」「嘩，你飲長島冰茶，驚唔驚醉呀？」「車，我醉咗你咪送我返屋企囉。咁你飲咩呀？」「Jager Bomb」「車，你同我有咩分別呀。」「我每個禮拜都飲，你係唔係呀？」佢申一申脷，話「你理得我，快啲叫啦。」


一個鐘頭之後


我拍緊阿belle「喂，醒下啦，又要賴叻咁飲Long Island Iced Tea。」無錯，佢醉撚咗，救命呀。


跟住我送咗佢返屋企。佢屋企真係大，成700呎一個人住，但係喺佢屋企嘅時候，我突然之間斷片，我唔記得咗Jager Bomb最衰就係入面有red bull所以而家先斷片，我係佢張梳化到訓咗。






第二日


佢起身嘅時候，見到我係梳化就大嗌，嗌到我醒咗。「點解你係度㗎！」「你斷咗片呀，你琴日醉咗，我送咗你返嚟呀！但係我突然之間斷咗片，sorry呀，係你屋企訓咗晚。」「我地無咩呀嘛？」「咩呀，無呀！」「咁就好啲，我仲係處，雖然比咗你，我都唔介意。」呢句佢細聲到得自己聽到「咩？」「無嘢，對唔住呀，我唔知頭唔知路就鬧你。」「唔緊要，不過下次真係唔好飲啲咁濃嘅酒啦。」「你咪一樣斷咗片。」


跟住我就同阿belle一齊去咗返工啦。




對唔住要等咁耐先有新一章，我太懶(*'へ'*)