《指戒的同棲故事》[完]【純愛】: 06 - 不滿·擴散

「下......」我一時驚訝得說不出話來？

「雪盈你有冇問題？」霞姐問著。

「點解特然有咁嘅安排嘅霞姐？」旁邊的雪盈一臉不解。

「冇點解嘅。」霞姐翹起手：「我覺得阿謙都唔差，可以畀佢試下，同埋都想有人幫輕下你。」

「我一個人冇問題呀霞姐。」



「雪盈，你有能力係好事，但你都要嘗試下同人合作多啲，畢竟一個人行得好快，但一班人可以行得好遠。」霞姐說着

「但係...」雪盈欲言又止的。

「做咩呀？係咪有啲咩問題你哋par唔到？」霞姐問着。

「冇，霞姐...」

「嘅就咁決定啦，阿謙，今日開始你就跟住雪盈，知道？」



「呀.. 係嘅霞姐。」

「冇咩事你哋返出去啦。」

說罷，我和雪盈離開了房間。

這到底是什麼展開？雖然對我來說是個不壞的事。畢竟我之前也因為這件事求過雪盈。

結果就發生了這件事...



本身想機會也應該渺茫，所以也沒有再在雪盈面前提過，殊不知今天得到霞姐直接欽點，我是用盡了一輩子的運氣嗎？

我看一看旁邊的她，她好像有點沒有精神...

是因為我叉了一腳來嗎？

她是想獨佔整個project吧？

也明白的，女王也是人也有自私的時候~

「我晏啲會交啲file畀你，到時再話畀你知做咩。」她說着，語氣又回到平常一樣。
「嗯~我明白喇。」

說罷她就離開了。



。。。。。。

下午時間，我在電腦面前埋頭苦幹的打著。

因為突然身負重任，午後也變得忙碌起來。

「喂！勁喎死仔！咁都畀你上到位~」啊基走來翹著我的頸。
「我死好彩啫~冇咩大不了~」

我嘴巴是這樣說其實心裏暗爽得很~

「頂你啦~扮曬謙虛咁~」啊基一點就明果然是好兄弟。

「不過你就好啦，上到位又可以同女王一齊做嘢~」阿基一副心心眼的說著。



「呀...係咩，我覺得麻煩就真。」

「有幾多人恨都恨唔到喺佢隔離，你而家可以零距離接觸喎，你仲有咩唔滿意呀？」

阿基憐憫的眼神看著我，他十成十是覺得我是一個身在福中不知福的可憐人......

但有幾多個人會知道現在女神已經和我這一個可憐人同居呢~

「唔係唔滿意...我驚我未完個project已經死咗。」

「下？」他一臉不解的看我。

「呢份文件我已經過咗四次，四次佢都唔滿意...唉...佢想點呀？......」說著我已經趴了在枱上，真的很累。

「你又得罪咗女王咩呀？」



「仲可以得罪佢啲咩啫，佢唔鋸我分薄咗佢啲嘢做啩？搶佢飯碗？」我無奈的說著。

「唔會掛？」啊基笑說。

「好！搞掂啦~」我按了列印鍵一下就站起來：「今次一定要佢ok！」說罷我就向影印機方向跑走了。

。。。。。。

「唔得，重新做過。」雪盈把文件退了給我。
「又唔得？」我一臉不解的看著她：「到底有咩唔啱？」
「全部都唔啱，你有冇聽我講嘢㗎？」她翹著手。
「我咪跟住你要求改囉？」
「咁證明你冇聽過我講嘢囉。」



現在的我真的啞口無言，我真的快要被這個女人玩死了。

她看一看手錶：「你收工啦，聽日先再交畀我。」說罷，她開始做自己的事。

我站在她面前，有點蓋不著怒氣。

「其實你係咪嬲我搶咗你啲嘢做？」我已經忍不住了。

她看著我，默不作聲。

良久，她終於開聲：「你得閒諗埋呢啲嘢不如快啲做嘢好過啦。」就這樣一句，接著她又回到自己的事去。

正宗一個覺得你是笨蛋的樣子。

聽著的我一臉不爽，她這樣的態度未免太過分了吧？

「我知喇。係咁！」說罷我便離開了。

。。。。。。

下班後我拉著疲倦的身軀來到大堂，今天一整天也被這個女人玩到體無完膚呢......

等等回到家又要看到她...

唉...真辛苦。

算吧~ 到時的事到時再算~

正當我踏出大門時。

「阿謙？」一把甜美的聲音在我後面出現，回頭一看小敏就在眼前。

「咁啱嘅？咁都撞到你。」她笑說。

「公司都唔係好大啫哈哈。」突如其來的幸福令我緊張得很。

「係呢，小敏你咁開心嘅？做咩事？」

「我？冇呀~ 我等等去貓貓cafe玩呀~ 所以興奮左少少囉~」眼前的她心花怒放~

竟然是貓貓cafe~ 小敏真的很可愛呢~

我整個腦海瞬間充滿著貓貓圍著小敏的畫面~

真的很自癒~

「係喇！~阿謙你依家得唔得行呀？」

「我？都算係得閒嘅~」始終我下班後除了回家也有沒有什麼節目。

「咁你陪我一齊去呀！兩個人開心啲呀嘛~」小敏一臉興奮的說着。

「哦......」我緊張得只說了一個單字。

這... 是上天送給我的禮物嗎？




筆主的話~

試下少字快出~🤣
麻煩大家支持下追下稿留下言🤣