「喵~~...」

黃色的大肥貓跳到枱上,接著用頭湊過來。

「雞蛋仔~ 你好得意呀~肥嘟嘟咁~點解你咁肥嘅~」

小敏不停抓牠的下巴,雞蛋仔側不斷發出煲水聲~看來牠很舒服呢~

我環顧四周,身邊都好像也沒有什麼男性存在......



現在的我副其實的被女性包圍呢...我是不是去錯片場了?

雖然身邊美女雲集心裏是很爽呢~ 但是我還是要集中一點,畢竟是得來不易的約會~

「小敏你好鍾意貓嘅??」

我拿起菠蘿茶喝了一口~ 甜甜的有點清涼~

「一半啦~」她抱起雞蛋仔:「我咩動物都鍾意~狗仔啦、貓仔啦、鳥仔都好可愛~」小敏笑得甜甜的~



「哦~」我的女神果然很有愛心,這樣的她真的很吸引~

「我之前去過柴犬cafe~ 有隻叫黑糖嘅柴柴好得意㗎~一抱佢就叫~但係又唔夠膽咬落嚟喎~真係好Q㗎~」

對我來說,在面前的你才是最Q呢~

「呀謙你有冇養寵物㗎?」
「我?有養兩隻龜嘅~」我抓抓頭有點尷尬傻笑,正確來說是我家母親養了兩隻龜。

「龜仔都好呀有冇相睇呀?」小敏興奮的問。



我按了兩下手機,拿出這一千零一張的寵物照。

「嘩~佢地好得意呀叫咩名呀?」
「唉......」

老老實實我從來沒有跟牠們改過名呢,應該也沒有人會跟烏龜改名吧...

我想了想突然靈機一觸~

「隻叫太一,呢隻就叫大和...」

「哈哈佢哋個名咁得意嘅~好有型咁~」小敏笑說。

好!她沒有看過太好了。



差點就想叫亞古獸和加布獸~

如果改這個名的話小敏會不會大叫可愛呢~

真的很好奇~

「係呢,聽講霞姐終於都比你跟新project喎。」

「呀~係呀,你咁快知嘅?」我笑笑說

「公司邊有秘密㗎~消息傳得好快㗎~」

「又係嘅~哈哈哈~」



「你真係要比心機喇,咁難得有機會上位~」小敏語重心長說着。

「哈...」我冷笑了聲:「做唔做到落去都係個問題...」

「點解咁講嘅?」小敏一臉不解。

我抓住頭:「同candy唔係幾夾得嚟咁,好似做咩佢都唔滿意咁...」

我用手搓搓面

「佢係咪嬲我搶左佢功勞,所以特登咁對我呢?」

「你真係咁覺得?...」

「矣?」我看著面前的小敏,她的臉突然認真起來。



「呀...嗯.....」我默默點頭。

「啊謙,我諗Candy唔係啲咁嘅人。雖然我好似冇咩資格咁講。」

「但係...」

「我覺得只係佢唔係好識同身邊嘅人表達自己啫~」

「所以啊謙,試下用心了解下佢,你就會明白㗎喇~」

「哈哈~」我笑笑說:「你好似好了解佢咁。」

「咁我哋係朋友嚟㗎嘛~同埋...」



「同埋?」

「我都唔想你地兩個誤會左大家。」她眼睛直直的看著我。

自己喜歡的女生也說到這個地步,我還可以不答應嗎?

「嗯~我會試下。」

總不能讓她繼續擔心自己吧。

。。。。。。

回到家中,我把公文袋掉到沙發再用力地伸了一個懶腰。

和小敏的約會真的是人生最快樂的事~ 我想我應該一輩子也不會忘記今天了。

我走向房間,可是眼睛卻停留在她的房門前。

「試下用心了解下佢,你就會明白㗎喇~」......

既然應承了就要做守承諾吧。

「篤篤...」敲了敲門,心情依然有點不安。

「雪盈...方唔方便講兩句?」

良久,沒有人回應,她還未回來嗎?

打開門,真的沒有人呢,但看樣子應該是回來了再出去呢。

視線望住枱上,一大疊的文件就這樣凌亂的放在枱上。

真是的~女王大人真的不會停呢,去到那也都在工作。

還是幫她收拾一下吧~

「依!依份係....」

…...

.

「咔咔~」大門打開,她緩緩走進來。

脫掉鞋子,她打算轉身就回到房間繼續工作,畢竟今天的工作有點掉鏈。

再不加快步伐就會影響到明天的進度。

「雪盈...」

她望向聲音的源頭,他就在眼前。

「做咩呀?」她有點不解,為甚麼他會得正正的站着。

接著他拿出手上的東西。

「我從新做左份新嘅,你睇下點。」

她接過文件看了兩看,淺笑了一下。

「今次就收貨啦,雖然仲有好多份差啲。」

「仲有......」他低下頭來。

「咩呀?」

「今日好對唔住...」

「做咩道歉?」她有點驚訝。

「我話你嬲我搶咗你啲嘢做依句...」

「發生左咩事呀~」她笑說。

「我睇到你枱上面啲嘢,我至明,唔只我,你對任何人都係咁高要求,包括你自己......」

面前的她淺淺一笑。

「每一份工作,都係一份責任,交畀你嗰刻開始做到最好就係你嘅本份,如果要求求其其咁做就係對相任你嘅人嘅背叛。」

「霞姐交得比我哋,我哋就有責任做好佢。」

「你記得未?」

「嗯!」他大聲回應~

「仲會唔會嗌辛苦呀~」她笑笑說:「要跟貼我唔係咁簡單喎~」

「哈哈~ 我未驚過喎~ 放馬過嚟呀~」

「唔會又飲醉返嚟要人氹呀嘛~ 」她的笑容有點邪惡。

「呀!唔...唔會啦......」想不到她還記得那一晚,尷尬呢~

「咁就好~ 咁就可以型比小敏睇啦~」

「!......」我默不作聲,為什麼這個女人從剛才開始就不斷令我尷尬呢......

「不過~ 你都要贏咗MJ先。」她笑了笑:「可能你行到半路都就瞓低~」

「呀~ 呢層你唔使擔心。」我一面自信的樣子~

「真係?」她有點不信。

「因為我,都係一個唔服輸嘅人嚟。」我笑著說

「哈~哈哈哈哈~」她大笑起來:「咁嚟緊多多指教啦,呀謙~」

「嗯~多多指教,呀盈~」

「呀盈?...」她有點尷尬:「做乜咁叫?...」

「冇呀~ 咁好似順口啲,又親切啲咁~」我笑說。

「你!.....」感覺她有點面紅

「唉~ 算啦,特別批准你啦~」她微笑著說。
已有 0 人追稿