《指戒的同棲故事》[完]【純愛】: 09 - 滿報·迷團

午飯後，我一如以往的走到茶水間沖一杯咖啡。

在這個不容許去睡晏覺的香港工作社會中，一杯咖啡住住就是一顆救命仙丹～

所以中午一啡就是我的例行公事～～

雖說常常聽到人說喝得多會上癮...

但是對我來說沒有咖啡就沒有人生了，上癮就上癮吧～



「Candy真係好索呀～～」
「係呀係呀～」

旁邊的男同事正興高采烈的討論著我們的女王大人，果然公司是個是非滿天飛的地方呢～

「你睇佢嗰對黑絲～正到呢～真係好想除咗佢～～」

「除咗啲肉摸落一定好緊，見佢身材咁fit，一定成日做gym。」

「好想睇下佢對髀嘅真身呢～～」



他們愈說愈興起，但對話內容還是挺下流的呢， 難怪香港男生經常被人標籤做下流賤格，也不是沒有原因的。

不過～

Candy的大髀其實也沒甚麼好看，

每天也對著的我可以證明真的很普通～

「真係好想食到女神呢～不如試下溝下路！」



「你諗下好啦，人哋點會睇得上你呀～」

「唔試過又點知啫， 可能人哋鍾意食清淡啲呢我都唔差呀～」

「 慳啲啦你，你咁都叫好我都可以做李敏鎬喇～同埋呀，人哋好似已經有男朋友㗎喇 ～」

「OH... Shit！！！明花有主喇！」

旁邊偷聽的我呆了一呆。

阿盈有男朋友？不會吧？

雖然有也沒甚麼出奇，但平日看起來也不太覺呢...



秘密情人？？

如果是真的話還收得挺埋呢～

突然一隻小手從我的腰間游過，嚇得我從白日夢的世界回到現實。

「嘩！！」我嚇得吃手手～

「你嚇死我咩Fatty...」我手按著心口。

Fatty眼神死死的看着我：「Sorry我想攞糖。」說罷便一手找去幾包袋糖。

「Fatty你冇事吖嘛？」 我看著面前的孖辮少女，她好像真的有點累呢。

「冇嘢，我唔夠糖份啫～」接着她一次過開了五包糖。



我看著糖粉倒落杯子，心理真的有點替她擔心呢～

希望Fatty未來不會有糖尿病吧。


「係喇，依個你要唔要呀？」Fatty從口袋拿了兩張紙出來。

「咩嚟㗎？」我接了，這是海洋公園的門票。

「嘩～ 海洋公園飛？ 你做咩唔要呀？」

Fatty看着我，靜默了一會。

「男朋友出軌，要嚟都冇用......」



現在真的尷尬到飛起。

「你ok呀嗎？ 」

「ok呀， 係喊咗成晚同今日有啲西西面咁啫... 聽日就冇事。」

難怪你今天看起來沒有精神吧～

「冇事就好～」

「嗯～」她淺回一句：「不過呢兩張飛冇用喇。 你幫我處理咗佢啦。THX... 」

說罷，她就拿著杯子離開了。



我看著手上的票：「點搞好呢？」

「呀謙～」

一話聲音再吧我叫醒

「小敏？！」

單馬尾的小敏正在面前，我下意識把票收到囗袋裏。

「咁啱嘅～」我羞羞說
「我見口乾咪嚟飲啖水囉。」說罷，她的眼睛直直的盯著我。

「小敏？ 我塊面有污糟嘢？」

被她盯著搞得我好像有點面紅了。

「見你依排精神咗好多咁，係咪發生咗啲咩事？」

「哈哈～ 係咩哈哈～」

「嗯～見你做野積極咗，感覺成個人都唔同曬～」

此刻的我好滿背景開滿鮮花一樣～

「 呢排好多人都咁講哈哈。」我別過眼去：「小敏你... 覺得我而家咁好啲？......」我羞羞一問。

「唉？」她呆了呆。

「冇嘢喇，都係係咁咦問下啫。」

「hehe~」她笑了笑：「之前都唔差，不過...依家嘅你型好多～」

說罷她就轉身走了， 剩下我一個不停傻笑的瘋子。

。。。。。。

「呵～咁跟住呢？」阿盈追問我。

「跟住咪返出去做野囉～」我說着，把一片肉放入囗。

「所以話啲男人真係簡單，講兩句就飄～」

「佢咁讚我真係第一次嘛，我覺得好大嘅進步㗎喇～」我說着， 心裏依然甜絲絲。

「唉～女人讚人好平常嘅事嚟， 你唔好諗多咗先啦。」

阿盈平淡的把我的喜悅就給殺掉了...... 你就不能讓我再多開心一會？

「不過呢，有進步就真嘅～至少佢開始睇到下你係好事～」

「你即係話佢之前睇唔到我？」 我好奇追問。

「正常啦～ 邊有人會得閒理一個原地踏步嘅人呀？」阿盈淡淡然的

「一個想進步嘅人只會望著啲幫到自己嘅人～唔係點解叻嘅人永遠同叻嘅人一齊？」

我靜靜的扒著飯，看來我的愛情長跑還有很遠的路。

「叮叮～」 突然鈴聲響起，是阿盈的手機。

她打開手機，接着放下手上的碗筷開始專心的回信息。

對面看著的我感覺很不思議？

看着阿盈，感覺好像很開心似的？

突然，一句說話在腦海裡冒出。

(同埋呀，人哋好似已經有男朋友㗎喇......）

不會吧～

「做乜眼甘甘咁望住我？」阿盈奇怪的望著我 。

「冇......」我繼續晚餐～

。。。。。。